為層樓零消費、零社交 50蚊哥:沖涼去體育館

Wed Feb 22 2017 12:02:14 GMT+0800 (中國標準時間)

撰文︰Take it e時

有人買樓靠「父幹」,但普遍嘅人都係靠「苦幹」,但香港樓價咁高,靠「苦幹」究竟要苦到幾時?咁就要睇你可以為層樓去到幾盡喇!近期《有樓萬事足》成為全城熱話,唔止「有樓有高潮」港女seasun、月儲「105%」嘅極品港女Macy係焦點,就連死慳死抵嘅中佬阿Chris都係焦點之一,事關佢慳到出晒位,零社交、零娛樂、幾近零消費嘅生活,終於成功儲到600萬,但有苦自己知,原來佢當年每日只限自己花費$50,尋日嗰集《有樓》,佢分享自己當年幾個儲錢秘訣!

▲呢句格言,同相機食先,有異曲同工之妙。

唔追求物質,手機只用2G

智能手機係時下必需品,仲要愈出愈勁,出到N咁多代,人人都好捨得俾$6000-7000換新手機,但阿Chris表示自己仲用緊2G手機囉……佢仲好自豪咁話係一種「神之定力」!

▲呢個年代唔興講電話,鍾意用即時短訊,冇whatsapp點搵人?

見少啲朋友,開Youtube唱歌當唱k

阿Chris話自己因為儲錢,朋友可以順理成章唔使點見;至於係咪真係零社交活動先?阿Chris就話會選擇免費活動,例如山行、跑步,至於要使錢活動好似唱K咁,佢表示「好多人唱K都係去到先學嗰首歌,咁點解唔喺屋企唱好先?」仲話唱好咗,自然唔使去K房唱,喺屋企對住電腦唱一樣得到!

▲買支唱k神器已經搞掂!

行路返工、自己帶飯、每日限花$50

車錢、飯錢係一項幾大開支,閒閒地一餐都40幾50蚊,所以唔少人都選擇帶飯慳番啲;而車錢方面,住得遠就無可避免,但住得近,又唔怕辛苦,寧願步行回家,咁又慳一筆。阿Chris呢兩方面都做到,咁每日又真係好似冇乜需要花費嘅地方喎。

▲50蚊哥,唔係浪得虛名。

沖涼去體育館沖

沖涼係每日指定動作,更何況阿Chris經常做運動,身水身汗。佢表示沖涼會去大學體育館,慳返唔使喺屋企沖,有時出汗太多,仲會一日嚟沖幾次,形容呢種做法係「小數怕長計」,咁樣慳好多。

▲咁阿chris間屋可以唔使要廁所,大小二便去公廁都搞掂。

揀個唔大駛嘅女朋友

阿Chris表示伴侶係令你成唔成功上樓其中一個指標,要揀一個唔大駛嘅女朋友,最好係唔怕辛苦,唔怕攰,願意同你做運動、唔怕遠行番屋企,甚至要精打細算,例如識格價、儲印花等等。

▲買層樓都係想有個安樂蝸,但買到樓得自己一個住好似悶啲喎,唔通真係毒L一個更開心咩?


#50蚊#上樓#儲錢#消費#人生#錢#生活#手機#2g#youtube#唱k#體育館#沖涼#e分鐘

相關文章
輪到50蚊紙幣有假鈔 認識三大防偽特徵唔中伏
儲人工,你可以去到幾盡?
小心你塊面 揀面霜你必須要知的事
性騷擾事件愈傳愈離譜 何韻詩扯火:唔代表可以攞嚟消費!
中國公布1月份消費物價指數略遜預期

推介文章
【跟住爸爸食燕窩】唔使一嚿水 燕窩食滿咀
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
按此閱讀臉書精彩內容

熱爆e+up


載入中…
x