為已去世小粉絲兌現承諾  黃翠如:應承你會加油

Tue Dec 20 2016 11:28:39 GMT+0800 (中國標準時間)

撰文︰Take it e時

今年視帝視后獎項已塵埃落定,不過精彩片段值得一再回味,好似今年角逐視后寶座嘅黃翠如,依然回味緊同唐詩詠一齊頒飛躍進步男藝員嘅時刻,當然唔少得仲有各自嘅伴侶-蕭正楠同洪永城頒飛躍進步女藝員嘅情節。雖然今年黃翠如「食白果」,但對於佢拎唔拎到獎唔係最重要,最重要係可以為一個人兌現承諾。

▲黃翠如為咗呢位小粉絲而着靚啲。

尋日凌晨嗰陣,翠如上載出席台慶頒獎禮時嘅自拍照,不過Caption並唔係講自己拎唔拎到獎啊、參加頒獎禮嘅感受說話,而係一段感人嘅留言。原來有位12歲嘅小朋友想到場睇頒獎禮,更希望可以睇到黃翠如拎獎,但佢表示自己「今年沒有獎」,嗰位小朋友笑住回應:「唔緊要,你着靚啲就得啦。」可惜小朋友已經「上了天家」所以睇唔到,但黃翠如依然兌現承諾,為佢打扮一下,仲話自己好少自戀,但都覺得幾靚,最後更應承呢位小朋友會加油。

▲網民形容黃翠如係人靚心更靚。

呢番說話感動好多網民,紛紛留言支持翠如:「妳每套劇比每套劇嘅進步,其實已經係一個好大好大嘅獎」、「冇獎攞唔緊要 最緊要妳嘅進步大家有目共睹 總有一日會輪到妳攞獎」;亦有網民表示小朋友一定會喺天上保佑佢:「有朝一日黃翠如一定會有獎攞,你這位小小的朋友仔都會在天上看你拿獎,黃翠如加油。」


▲男友蕭正楠表示:「黃小六(狗名)強壯如牛!」

其實大約兩星期前,翠如早已喺IG透露過些少,當時佢Post咗張卡通人物大白嘅相片,仲講到一個生命嘅離世,不過當時大部份人都以為係講緊黃翠如隻心愛小狗,不過後來男友蕭正楠表示愛犬依然健在,如今似乎真相大白啦。你咁有小朋友心,佢一定會睇到你嘅努力,黃翠如,加油!

圖片來源:黃翠如 Priscilla Wong

#黃翠如#頒獎禮#承諾#靚#加油#小朋友#e分鐘

相關文章
e衫評 黃翠如老土 泳兒似芒果
聯名買將軍澳樓 蕭正楠黃翠如同居試婚
回憶第一次合作的美好 黃翠如:洪永城,我們都長大了
瞞婚激咀Sweet到漏 史上最閃「翠如永城配」
翠如狂冧未來奶奶 蕭正楠:媽咪梗鍾意

推介文章
我們的時光 Twins
狠飛太極Ricky 戴夢夢澳門攬佬
舌戰7女星談情說性 黃浩被阿嬌KO
一個人  湯寶如
玩交友App識男仔 麥明詩約俊男high tea
翻新暫別街坊六星期 公和荳品:凡事向好方面看
洗米華大仔周柏豪:同爸爸溝通唔係太多
《警訊》被插拍得浮誇 堅哥反擊:咁係咪佢自己好醒呀?
陳自瑤怨老公少返屋企瞓 王浩信婚姻現暗湧
【挑辣星極辣挑戰賽】到底辣王辣后誰屬?
【挑辣星極辣挑戰賽】星級參賽者鬥食辣Laksa辣魚蛋
宣萱 有要求的人
按此閱讀臉書精彩內容

熱爆e+up


載入中…
x