為打卡危坐「志明橋」 余文樂嗌停:出事不值得

Tue Mar 28 2017 11:33:28 GMT+0800 (中國標準時間)

撰文︰Take it e時

香港有唔少地方因拍戲而成為地標,位於九龍灣其中一條天橋,因《志明與春嬌》取景,加上余文樂效應,令該天橋成為年輕人打卡地點,更將橋命名為「志明橋」(註:余文樂在戲中為張志明)。但有人為咗影靚相而挺而走險,爬上橋頂之餘更喺旁邊危坐,搞到路經嘅司機以為有危險而報警。有見及此,有人網上呼籲,唔好再為影相而浪費警力或影響有需要嘅人,余文樂及導演彭浩翔亦透過傳媒,呼籲大家唔好再咁做。

▲唔少年輕人經常去「志明橋」朝聖。

近日有消防員喺網上呼籲大家唔好再「爬上頂或伸出窗台影相」,因為「好多途經嘅熱心司機、市民驚有危險而報警」,而每次出動都勞師動眾,大大影響緊急需要,希望「不要再做一啲咁危險既行為」

每次都會出動多輛緊急車輛,包括升降台,兩架搶救車,喉車燈車,救護車救護電單車及警車,最少共8架。因為情況真的很嚴重,每更返工都最少一轉。

▲樂仔認為鍾意條橋冇問題,但希望大家注意安全。

作為該電影主角嘅余文樂,亦透過傳媒向大家呼籲唔好為影張相而出事。「志明」認為大家鍾意條橋冇問題,但唔好企上橋上面,真係好危險,又引指自己當時都係喺橋入面影而非喺橋外,最重要注意安全。

喜歡一部影有好多表達方法,大家鍾意條橋冇問題。但其實我哋拍戲都係喺橋入面影,所以希望大家唔好企上橋上面,真係好危險,如果因為想影相而出事好唔值得,注意安全最緊要。

▲導演彭浩翔亦叫大家停一停。

導演彭浩翔亦喺Fb分享呢件事,指唔好「因為打卡令自己受傷」,強調「冇嘢緊要得過條命」,希望大家唔好做出任何危險事情。

希望大家唔好做出任何危險事情,冇嘢緊要得過條命,因為打卡令自己受傷就唔好,麻煩到消防員,如果變成消防救志明就唔好啦﹗

圖片來源:IG、余文樂、彭浩翔、Pong Pong D Ng

#志明#張志明#志明橋#志明與春嬌#余文樂#彭浩翔#打卡#危坐#e分鐘

相關文章
專欄︱總會遇上幾個八婆(林蕾)
彭浩翔《別問我是誰》MV再現 王馨平:真係想揼你
打卡變企跳驚動消防 「志明橋」又變影相聖地
余春嬌打救張志明 《春嬌救志明》主題曲廣東話版面世
18年神曲變國語版 五月天為《春嬌》唱主題曲

推介文章
米芝蓮大廚教煮住家菜(下)
美心妹妹帶你年假放電 SuperPark三個必玩game
誰能明白我 何綺雲
荔枝角蛋包飯 聾人主理
狗年迎春攻略 Mall姐呼籲領養 玩人狗瑜伽 教毛孩逗利是
狗年迎春攻略 Mall姐呼籲領養 玩人狗瑜伽 教毛孩逗利是
陳蕊蕊、肥腸 醒你情人節冧招(伴侶篇)
闖出我天地 杜麗莎大女T.V. Carpio
裸妝最強! 5大Cushion粉底
Coffee帶你跟紅星辦年貨 買大細契咖啡瓜子 發哥臘腸
到首爾尋找1++A 級的韓牛
【孖你做瑜伽】瑜伽幫你輕鬆減壓(下)
按此閱讀臉書精彩內容

熱爆e+up


載入中…
x