為演出願離巢北上 胡諾言:唔想再嘥時間

Thu Sep 29 2016 11:53:49 GMT+0800 (中國標準時間)

撰文︰Take it e時

近年無綫好多小生花旦相繼離巢北上搵銀,其他二線藝人要上位可能易咗好多,但得唔得到機會都好講際遇,即使親生仔都未必有特別待遇,好似「胡仔」胡諾言,喺無綫已經16年,係TVB親生仔(經理人合約),但機會就唔多,就算角色全部有名有姓,但搶眼程度都好有限,做咗咁多年最深刻係邊個角色?可能真係答唔到,胡仔下年年中就約滿,TVB都仲未同佢續約,難怪佢都話唔排除北上搵銀。

▲胡仔又的確冇乜特別搶眼角色,《十兄弟》偏演大力三可能已係最為人深刻。

96年以歌手身份出道嘅胡仔,但發展未如理想,2000年轉戰演藝界,呢16年嚟都拍過好多劇集,不過有發揮嘅角色有限,而眼見好友袁偉豪、胡定欣、陳山聰都喺無綫有啲地位,仲愈撈愈掂,反觀自己依然等緊機會。

我做嘢唔係講錢,我著重工作機會………….劇集想拍多少少,唔希望喺到嘥啲時間,想做啲自己想做嘅嘢,可能我之前嘅劇集都係行行企企,各樣群戲我都做過喇,唔想再焗限。

▲《我們的天空》係胡仔首度擔正男主角,但奈何劇中內容偏頗,不受廣大網民歡迎。

胡仔都有反思自己,會唔會可以做好啲?又或者因為自己性格問題?佢亦唔會眼紅身邊朋友,因為大家都付出咗好多先有呢個成果。所以佢話會做好自己,演好角色。不過TVB仲未同自己傾續約,胡仔就話都有後路,就係北上發展,而且一直都有大陸嘅製作公司來往,但胡仔嘅首選始終係無綫。

無TVB又點會有我?TVB都俾好多機會我,又識到我太太,跟住有個好家庭。當然知道大陸揾錢多,但講緊係紅星,我只不過係一個演員,都唔知去到咩價位,同埋香港工作係比較習慣,又可以陪到家人。

▲胡仔自言要養家,負擔大,要努力工作。

難得有演員忠心耿耿,希望胡仔可以得到機會喇!

圖片來源:jackwu

#胡諾言#機會#tvb#無綫#北上#親生仔#胡仔#TakeItE時#熱話

相關文章
藝人大肚寫真集 陳琪:我老公唔肯一齊影
集郵手冊 跑渣打馬拉松藝人大全
鄭俊弘承認與富家女分手 何雁詩:我覺得同佢有機會發展
有求必應為粉絲出頭 親民歌手點止周杰倫
講明編更冇章法 霸氣HR:除咗開塵破土、死人冧樓

推介文章
【挑辣星極辣挑戰賽】星級參賽者鬥食辣Laksa辣魚蛋
宣萱 有要求的人
豪宅同居年半 譚凱琪有米男友求婚成功
當張繼聰係菩薩 Bob:抵佢溝到謝安琪
唐詩詠狠斬2年情 踢洪永城7宗罪
專屬情人 林文龍
撬林耀聲牆腳 方力申暗溝張沛樂
科技融入生活 體驗空間美學
同時溝兩港男 陳展鵬新女友雜食
楊明 把握時機
1O1O呈獻:星星美食旅客 -東京中華料理之最高
聯名買將軍澳樓 蕭正楠黃翠如同居試婚
按此閱讀臉書精彩內容

熱爆e+up


載入中…
x