無綫有鋪定型癮 御用阿媽原來都有好多種

Thu Dec 08 2016 11:48:00 GMT+0800 (中國標準時間)

撰文︰Take it e時

似乎無綫有鋪定型癮,成日要演員做返相近角色,搞到經常有「御用乜乜乜」出現,最近潘志文亦加入呢個「御用乜乜乜」嘅大家庭,咁佢屬於邊類型?咪係御用中風者囉!事緣佢喺《幕後玩家》俾陳煒飾演嘅大女激到心絞痛,其後中風暈到,有網友發現原來佢已經係第三次喺劇入面中風,之前嗰兩套咪係《EU超時任務》同《以和為貴》囉。

▲歡迎潘志文加入「御用乜乜乜」行列。

其實無綫御用角色有好多種,例如「御用強姦」嘅石天欣、「御用奸人」鄭子誠,但呢啲太過普遍喇,基本上係人都知,而小編喺搵仲有乜特別御用角色時,發現以下呢幾位演員同樣都係做阿媽,但就各自做唔同類型嘅阿媽,都幾搞笑呀!

韓馬利-無綫御用「走佬」阿媽

如果太多韓馬利,邊個會冇碇企?咪就係佢啲仔女囉,事關有網民發現Mary姐由03年開始起,前前後後11年嚟拋棄10次仔女,當中包括馬德鐘、吳鎮宇、鍾嘉欣、關詠荷、徐子珊等等,當中更有唔少係事後喊晒口要同人相認,難怪俾網民「鬧爆」係狠心阿媽!

▲等到仔女返番嚟,韓馬利又唔爭氣。

陳曼娜-無綫御用「貪錢」阿媽

你以為陳曼娜最深入民心嘅形象係萬珠沙華?錯喇,實情係貪錢嘅女人呀!冇計啦,曼娜姐嘅富貴形象真係表露無遺,有時又會發下啲女人脾氣,加上喺戲入面做過唔少富婆之類嘅角色,所以咪俾人覺得佢係好貪錢,尤其係《十月初五的月光》入面嘅萬珠沙華,真係記到依家都仲記得,不過曼娜姐話自己都做過賢母,絕對唔係網民所講咁貪錢。所以話,萬珠沙華真係至講道理!

▲曼娜姐一身富貴相。

李司棋-無綫御用「陳展鵬」阿媽

陳展鵬?點解係陳展鵬?之唔係司棋姐喺戲入面4度做陳展鵬呀媽囉,包括《心路GPS》、《巨輪》、《真相》、《叛逃》,搞到陳展鵬同李司棋好似打風都打唔甩咁,仲有網民惡搞話佢哋兩個其實唔係做母子,而係做情人。

▲陳展鵬:李司棋係我嘅人!(設計對白)

程可為-無綫御用阿媽

上面講幾位都係有個人形象,咁不如都介紹番一位真係御用阿媽啦,佢就係程可為啦。早前程可為試過一日4套劇入面有3套都係做人阿媽,分別係《樓奴》(11:45am)、《宮心計》(2:45pm)、《巨輪II》(8:30pm)、《創世紀》(11:50pm),但現實中程可為係未結婚。未婚都做出媽媽嘅感覺,呢啲咪叫專業囉。

▲程可為可以話演媽媽角色嘅代表之一。


#御用#御用阿媽#TVB#無綫#韓馬利#陳曼娜#李司棋#程可為#萬珠沙華#陳展鵬#走佬#貪錢#e分鐘

相關文章
警訊模擬片段御用壞人 堅哥:我一直抽離唔到
開live要跑數 TVB藝員玩big big channel各出其謀
點止靚足10年? 35歲唐寧《蘭花劫》仙氣現身 
《陪著你走》播到變洗腦歌 網民:使唔使濫到每集播幾次?
宣萱 有要求的人

推介文章
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
狠飛太極Ricky 戴夢夢澳門攬佬
舌戰7女星談情說性 黃浩被阿嬌KO
一個人  湯寶如
按此閱讀臉書精彩內容

熱爆e+up


載入中…
x