無綫鬼故節目新不如舊? 網民:播《奇幻潮》仲好

Tue Feb 21 2017 08:00:21 GMT+0800 (中國標準時間)

撰文︰Take it e時

鬼故事一向都有捧場客,所以無綫耐唔耐都會拍呢類節目。繼2年前由羅蘭姐主持嘅《區區有鬼故》後,最近無綫喺亦播映由張穎康主持嘅《請勿關燈》,不過網民似乎對呢個節目不太有好感,一嚟係外購嘅大陸節目,二嚟驚嚇方法過時,難怪有網民拎番12年前無綫自家製嘅《奇幻潮》相題並論,仲讚當年無綫呢個節目難得高質。

▲背景同環境都凝造到氣氛嘅。

《請勿關燈》以短片形式包裝,當中加插TVB藝人分享嘅鬼故。首集有四齣短片,包括「辦公室打印機」、「凌晨監控室」、「蒼蠅」及「就寢時間」。驚嚇程度唔算冇,背景同環境都凝造到氣氛,但部份網民認為故仔好無聊,唔明做乜,而驚嚇程度仲停留喺「後面有隻嘢」、「突然出嚟嚇你」嘅橋段,更有眼利網民留意到《就寢時間》疑似抄襲外國「Nosleep」鬼故橋段。

▲網民重提奇幻潮,讚不絕口。

見到呢套所謂鬼節目拍成咁,網民當然失望,難怪網民拎番12年前無綫自家製嘅《奇幻潮》相題並論,表示呢個TVB節目堅高質,就算低成本製作,但故事迷離程度十足,加上成個節目唔只係講鬼,當中包括都市傳說同靈異事件,令人容易代入之餘,更有不寒而慄嘅感覺,同《請勿關燈》齋嚇係唔一樣。

▲網民話見到胡諾言食雪糕噴血勁恐怖。

網民首推深刻故事係由胡諾言同楊思琦嘅《未來聊天室》。故事講述大學生嘅胡諾言喺網上聊天室發現有預知能力未來精靈(楊思琦),並以告知未來事物換取人類壽命,但胡諾言最後因忘記登出而扣盡陽壽而喪命。

▲4個人連續打「西」係麻雀「禁忌」。

另一個深刻故事係《四人再歸西》,故事圍繞雀友打出「一筒」及「西」,最後相繼意外死亡,有網民表示,早前打麻雀見朋友連續打兩隻「西」時,即諗呢個麻雀「禁忌」。


#tvb#請勿關燈#奇幻潮#TakeItE時#e分鐘

相關文章
原隻冰鮮乳豬影入鏡 網民炮轟肥媽節目:好不安
抽水定真心? 麥明詩稱鄭俊弘係TVB首席男歌手
唔用天台BBQ橋段改拍複製人 TVB最新團圓結局玩法
出聲明反駁無綫「抄襲論」 myAVSUPER:標誌已清楚提及AV
瞞婚激咀Sweet到漏 史上最閃「翠如永城配」

推介文章
當張繼聰係菩薩 Bob:抵佢溝到謝安琪
唐詩詠狠斬2年情 踢洪永城7宗罪
專屬情人 林文龍
撬林耀聲牆腳 方力申暗溝張沛樂
科技融入生活 體驗空間美學
同時溝兩港男 陳展鵬新女友雜食
楊明 把握時機
1O1O呈獻:星星美食旅客 -東京中華料理之最高
聯名買將軍澳樓 蕭正楠黃翠如同居試婚
1O1O呈獻:星星美食旅客 - 兩大貼地必吃餐廳
汪明荃 不言休
1O1O呈獻:星星美食旅客 -食日本好「西」
按此閱讀臉書精彩內容

熱爆e+up


載入中…
x