煮餸煮出愛火花 6號冧肥媽:拖到你心都足

Fri Jan 22 2016 21:55:03 GMT+0800 (中國標準時間)

撰文:Take it e時

肥媽同陸浩明(6號),屬於兩個不同年代嘅人,一個係唱得、演得、煮得嘅多棲藝人、另一個係經常要靠把口搵食嘅主持人,但最終都能夠喺茫茫人海中,喺電視城相遇,繼而合作《食平DD》系列,過程擦出唔少火花,上年年中,佢哋仲正式上契。嚟到第四輯《暖DD,食平D》,肥媽同6號仍然火花四起,上契後比以往親密,仲有小小曖昧感覺,搞到唔少年輕網民,都忍唔住要關注下呢段「母子情」!

▲肥媽質問6號係咪想搏慒。

其實6號一向「詭計」多多,好似尋日嗰集,開始煮嘢食嗰陣,6號先「喱」喺肥媽後面,儼如「偷窺」動作,肥媽發現後隨即怒喝:「你係咪玩我呀!?」其後6號使出冧功,先叫媽咪拎隻手出嚟,繼而嚟一個十指緊扣,仲放喺自己心口度,臉帶幸福感覺。肥媽回應:「想搏慒呀?」6號就解釋,其實佢哋拖手形狀似合瓜掌,但6號依然不忘賣口乖:「肥媽你隻手暖笠笠、帳卜卜,拖到就心都足」。

真係識講嘢喎!

▲唔少網民搞笑咁話肥媽同6號有曖昧。

嗱,其實6號同肥媽「耍花槍」都唔係第一次㗎啦。好似前幾集,6號話自己女友都跟肥媽學煮幾味,自認煮嘢了得嘅肥媽即問:「咁邊個好食啲?」呢個問題有如阿媽同女友跌落海,你救邊個先一樣咁難答。6號愈支吾以對,肥媽愈係刁難,結果6號好醒目咁回答:「肥媽煮得好食啲,女友煮得甜啲。」

▲節目上,6號經常直稱肥媽做「阿媽」。

另一次,「牙醫」歌手許廷鏗做節目嘉賓,肥媽不忌諱問:「上你度整牙收幾多錢?幾多折?」搞到Alfred「紅都臉晒」。呢個時候又係「契仔」出動時候,即刻話:「肥媽梗係免費!」,咁識講嘢,最後換來肥媽香吻一個!

▲6號同肥媽呢對「母子」拍擋勁有火花。

雖然6號成日講肉麻嘢,但其實都有唔少網民都覺得,佢哋真係幾有母子feel,大讚夠溫馨,似一家人食家常便飯,加上肥媽咁識教班師奶食平DD,唔怪得觀眾咁鍾意睇你哋節目啦!


#陸浩明#6號#肥媽#MariaCordero#食平DD#食暖D平DD#肉麻#錫#拖手#合掌瓜#熱話#TakeItE時

相關文章
《東張西望》換血 TVB派系大解構
麥美恩獻濕吻 阿Bob:我唔想㗎老婆
十優港姐自爆曳事 麥明詩出貓遭斷正
喊住唱《媽媽I Love You》 肥媽:仔女打電話慰問一句已很足夠
原隻冰鮮乳豬影入鏡 網民炮轟肥媽節目:好不安

推介文章
【跟住爸爸食燕窩】唔使一嚿水 燕窩食滿咀
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
按此閱讀臉書精彩內容

熱爆e+up


載入中…
x