熱血真係可以當飯食? 《點五步》被指呃學生夢想

Wed Aug 24 2016 19:29:38 GMT+0800 (中國標準時間)

撰文︰Take it e時

如果你係一個正在收讀電影嘅學生,係咪都有一個電影夢呢?近期上畫嘅電影《點五步》就爆出一啲花邊新聞。近日網上有一篇文章為《點五步》–用熱血做包裝就可以唔俾錢?引起網民討論。有指《點五步》拍攝期間搵咗大量嘅學生做義工協助製作,講明係義工即係冇錢,不過有飯盒。而呢篇文章嘅作者正正就係有份參與其中。

▲《點五步》打着本土作品,熱血行頭!

《點五步》呢套電影其實係政府投資,本是一套獨立電影但依家變成一套商業電影,問題就隨之出現。文章中大概數出幾項為人詬病嘅問題。因為成本有限,製片組以預算太少為由,大部分工作人員(學生)都係無薪義工形式幫手。作者認為呢種壓榨學生嘅行為係一種毒藥,只會令行業加速死亡。同時亦提出點解會出現有部份人有糧出,有部分人冇,到底分配酬金係邊個定嘅呢?最後作者最想講,大家唔好再出賣年青人嘅夢想,夢想都要食飯,如果灌輸做電影唔使食飯嘅可怕觀念流傳下去,新一代想投入電影嘅人只會變得更可悲。

▲有一位叫電影圈黑名單嘅作者撰文批評《點五步》。

▲因為作者亦有份參與製作,列出咗幾點睇法。

▲作者指出消費學生嘅夢想係唔好嘅事。

▲作者唔希望呢種做電影唔使食飯嘅觀念流傳下去。

▲《點五步》導演嘅陳志發亦有撰文交代事件。

今日(24日),身為《點五步》導演嘅陳志發亦喺Fb撰文交代指控。佢指每一位工作人員都係自願參與,每日都有提供飯盒及交通費用,即使參與後,也可以隨時選擇退出,當中有唔少人選擇退出。導演形容呢套電影可以上畫係奇蹟,又指出如果要將貨就價嘅話,會浪費整個團隊堅持下來嘅心血。佢亦有指知道自己有不足,深感抱歉。佢喺拍攝時向大家承諾過:「假如他日成功上映,有收益一定會給予應有的回報!」唔知導演會唔會兌現呢個承諾呢?

▲導演拍攝期間承諾過假如電影成功上映,有收益一定會給予應有的回報!

圖片來源:點五步facebook,Steve FatFat,電影圈黑名單

#點五步#陳志發#夢想#呃學生#熱血#擺平#TakeItE時#推介#熱話

相關文章
不愛水球愛棒球 歐鎧淳戀上《點五步》新星胡子彤