爆料反擊色誘指控 李偲嫣:佢叫我俾性感相

Mon Oct 17 2016 19:30:00 GMT+0800 (中國標準時間)

撰文︰Take it e時

李偲嫣早前被指涉嫌色誘騙財,一班「苦主」仲開埋記招投訴,事件喺網上引起廣泛討論。而尋晚李偲嫣就喺Facebook發表嚴正聲明,否認曾作出色誘同騙財等行為,仲展示WhatsApp嘅對話截圖證明「清白」,強調佢係被人陷害、誹謗。

▲怒罵對方「含血噴人,無恥下流和心腸惡毒」,李偲嫣應該好嬲。

從截圖可見,李偲嫣確實多次稱呼對方做「Brother(哥哥)」,又指「唔會同你發展愛情」,拒絕傳送性感相俾對方。除此之外,李偲嫣批評成件事根本係有心人「白痴揉造」出嚟,表明會將事件交俾律師跟進。唔知「苦主」面對李偲嫣今次嘅反擊,又會有咩回應呢?

▲傳說中嘅「嘟嘴照」,係「色誘」事件嘅源頭。

▲李偲嫣指只當對方係「年長嘅哥哥」,所以會用「brother」嚟稱呼。

▲截圖中可見對方有表達「好感」嘅訊息。

▲稱讚李偲嫣「太美了」,唔知算唔算表白呢?

▲李偲嫣表示自己拒絕過對方索取性感照片嘅要求。

▲嗯……就咁睇圖,又好似唔覺係李偲嫣色誘?

▲至於真相係點,真係要交俾大家判斷喇。

▲不過可以肯定嘅係,李偲嫣派咗張「好人卡」。