爆粗尖叫打喪屍 機迷激讚張曦雯:好想瘋狂同佢打機

Thu Feb 02 2017 11:59:29 GMT+0800 (中國標準時間)

撰文︰Take it e時

鏡頭前嘅港姐,形象可能係好溫文雅儒、知書識禮嘅女士,不過鏡頭背後,佢哋同普通人一樣,都有自己嘅真性情一面,就算平日阿娜多姿嘅女人,都會有「麻甩」嘅一面,好似2012年中華小姐冠軍嘅張曦雯(Kelly),平時做主持好大方得體,談吐溫文,相當有禮,但原來私底下嘅佢十分之「男仔頭」,勁鍾意打機,仲要係打喪屍game,甚至投入到會爆粗㖭!

▲會打機嘅女人係吸引嘅!

最近幾晚,Kelly都喺網上直播自己打BIOHAZARD 7 Resident Evil(生化危機),吸引好多機迷收睇佢打喪屍,一夜間多咗接近2000幾個follower,個個都有讚冇彈,讚佢玩得有紋有路,槍法準之餘,又夠膽玩呢啲喪屍Game,難怪網民都話估唔到原來佢咁玩得、華姐肯放低身份同你哋打機,又話「睇佢打喪屍真係好癲好享受」、「好想晚晚同佢瘋狂打機」、甚至「睇左下角仲多過睇打機畫面」。其間,Kelly肉緊到不自覺爆粗:「fuxx、shxx」,又話:「打機好難唔爆粗」,夠晒真性情!

▲對於網民咁支持自己,佢都表示好開心。

對於網民咁支持自己,Kelly都好意外,話估唔到大家會受落。點解會咁突然想直播打機?Kelly表示,自己一直都有打機習慣,成日孖細佬一齊打,呢隻喪屍  Game一直都有玩,平時亦有睇其他人直播,突然間心血來潮想直播同大家分享,所以就開始咗呢個直播。係咪收錢打機?Kelly即刻擰頭:「全部真金白銀自己俾錢買㗎!」

▲好想同佢晚晚打機。

其實Kelly之前接受我哋《E週刊 E Media Plus》專訪時都講過,唔好睇佢平時斯斯文文,其實私底下佢好玩得、好男仔頭、好癲。哎呀,搞到小編都好想同Kelly晚晚打機!

圖片來源:Kelly Cheung@Youtube

#張曦雯#打機#生化危機#爆粗#真性情#機迷#e分鐘

相關文章
女人都識打機浪漫 張曦雯、麥美恩機鋪激戰三回合
想成為gfable女神 張曦雯教你三個秘訣
「律政女神」玩網上問答 Ali:咩係J到出血?
力證冇整容? 張曦雯上載童年「餅印」相
好戲樣靚身材正 《律政強人》女神競選

推介文章
人緣好 兄弟多 林子善結婚多人撐
【e分鐘投票】假如你有票… 都市人心見中的特首
狠飛吳彥祖「空心」表哥 陳雅倫夜會富豪
電影不能缺少的男配角 林雪:老竇叫我拍戲先有今日
何雁詩入行8年 「父母冇諗過我仲生存緊」
同B拍戲母性大發 44歲Sammi練盆骨操造人
免電隨身咖啡機
宅男女神大戰 簡淑兒硬撼江嘉敏
東京拍飲食旅遊節目 連詩雅獲黃浩大讚
同爸爸十年冇見 林作:佢有另一頭住家
有牛有高潮! 黃浩帶連詩雅日本食靚牛
養生清涼 松茸椰青雞鍋
按此閱讀臉書精彩內容

熱爆e+up


載入中…
x