牛奶非牛奶 消委會調查踢爆商品得個名

Thu Apr 14 2016 19:51:58 GMT+0800 (中國標準時間)

撰文︰Take it e時

飲奶對身體好有益,可以強化骨骼又有營養。之但係,如果同你講,牛奶冇牛奶,你仲飲唔飲?最近消委會就抽查咗市面常見嘅牛奶,發現有部分只係「牛奶飲品」。因為據現時法例,稱得上係牛奶嘅,需要有不少於3.25%的奶脂,但有好多都超唔過依個數,所以只可以稱為「牛奶飲品」。簡單啲嚟講,即係牛奶飲品唔係真牛奶,明未?

▲其實好多人都唔知牛奶同牛奶飲品係有分別。

▲消委會仲指出牛奶消毒法有「巴士德消毒法」同「超高溫UHT消毒法」。一般消費者真係聽到未聽過。

其實除咗牛奶之外,消委會之前都抽查咗唔少商品,發現一啲產品得個名,名不副實,疑似欺騙我哋啲消費者喎!

「天然」染髮產品唔天然

好多人都鍾意舒舒服服坐喺屋企,用染髮劑整頭扮靚靚。不過原來有啲標榜「天然」染髮產品,係唔天然㗎!檢測中發現一啲染髮劑含有致敏物質,仲超出內地同歐盟嘅含量上限㖭。

▲消委會建議,大家染髮嘅時候,先擦上凡士林,減低染劑對頭皮嘅傷害。其實唔染髮咪咩事都冇囉。

有機菜唔有機

唔少人都轉食有機菜,貪佢冇落農藥,夠晒健康。但經消委會化驗之後,125個樣本入面,有28個樣本都被驗出含殘餘除害劑。真係估唔到想花多啲錢買健康,但到頭來都食緊啲對身體有害嘅菜囉!

▲消委會發現一啲自稱「有機」蔬菜,入面毒死蜱除害劑含量超出上限。

安全套唔安全

好多人都知安全套唔係百分百避到孕,但必要時,佢總要大派上場嘅。消委會之前就檢測市面上43款安全套,發覺一啲品牌嘅超薄裝,竟然漏水,而且有啲仲喺低於標準限量嘅容量或壓力下破裂㖭。所以各位,唔好貪佢薄呀!

▲奉勸各位男士女士,想避孕嘅話,唔好只依賴安全套。

所以話,做一個精明消費者都幾難,唔係消委會講,你都估唔到牛奶冇牛奶啦!不過都係多得佢哋經常抽查化驗,咁先保障到我哋消費者嘅權益咋!

圖片來源:消費者委員會

#牛奶#消委會#商品#得個名#安全套#有機菜#染髮產品#天然#真牛奶#TakeItE時#熱話

相關文章
【醜比頭溶掉了 好搞笑!】
朱茵鞏俐冇訂企? 維他經典廣告歌驚現韓馬利
【冷知識】牛奶加朱古力會生腎石? 相沖食物咪亂食
小心使用身體護膚乳
雞農濫用抗用素 6成雞肉含耐藥性細菌

推介文章
古天樂陳豪有勁敵 猜Fing講國語冇句聽得明
《溏心3》搞笑!Bosco細31年做司棋姐細佬
網民同推做視帝 王浩信馬明你揀邊個
大人細路爭住玩室內賽車場
【日本賞楓新角度】 鳥取坐滑雪吊車睇秋色
3招健胸操
【撐小店】希望在明天
鄭丹瑞寸麥美恩:麥明詩十優,你久休!
【孖你做瑜伽】 中級雙人背部伸展
【孖你做瑜伽】 搵個partner幫你輕鬆拉筋
【跟住爸爸食燕窩】唔使一嚿水 燕窩食滿咀
最叻星二代 倫子譚曉風攬女示眾
按此閱讀臉書精彩內容

熱爆e+up


載入中…
x