理想同現實有距離 麥當勞出新包多中伏?

Wed Oct 19 2016 08:20:17 GMT+0800

撰文︰Take it e時

麥當勞周不時都會推出新包,今日(19日)就正式推出用安格斯牛肉主打嘅漢堡-澳式芝蛋安格斯漢堡。試唔試就由你決定,不過老麥次次出新包例必有「烈士」試食,而幾乎大部份人都認為,理想同現實,始終係有一個遙不可及嘅距離。

瑞士芝味安格斯漢堡

上月推出嘅瑞士芝味安格斯漢堡,主打嘅安格斯牛肉以「大過塊臉」做賣點,落去去都算大塊,但又未至於真係大過塊臉囉;不過唔少人試食完都話餡料十足,唯一缺點係邊食邊跌。

▲賣相都算係咁。

咖哩漢堡

2013年推出嘅咖哩漢堡,可謂麥當勞嘅「災難」,咪因為個包嘅咖哩汁出晒事,咖哩顏色已經唔討好,仲要多到成張紙都係勁污糟。當時有網民仲搞咗個「咖喱漢堡攝影比賽」,令咖喱包嘅核突程度更上一層樓!

▲又真係多汁得太誇張。

黑漢堡+白漢堡

幾年前麥記推出「一黑一白」嘅黑白漢堡,其實大陸方面一早推出,反應就麻麻,喺香港都唔例外。咁又係,黑包唔係人人都鍾意食㗎嘛!

▲唔係人人都鍾意依黑皮漢堡。

脆脆珍寶黑椒漢堡

年頭推出嘅脆脆珍寶黑椒漢堡,同咖哩漢堡可以話有異曲同工之妙,是關兩隻漢堡都係玩「重口味」醬汁,結果玩成點,有眼見啦。

▲一多汁就出事。

親子蛋飯Tastic

老麥推出嘅米漢堡「飯Tastic」,賣相都唔可以話差嘅,但米漢堡未必人人啱食,鍾意嘅咪覺得「Fantastic」,唔鍾意嘅咪覺得「他媽tic」

▲米漢堡唔係人人都啱食。

美式手撕雞堡+美式手撕烤豬堡

早期嘅手撕烤豬同手撕雞堡,評價都唔算好差,但睇相始終係同實物有好大距離。

▲望落都唔太差呀。

當然仲有好多新款包不能盡錄,又未必個個包都唔好食,可能只係賣相唔討好呢?


#麥當勞#新包#中伏#理想#現實#TakeItE時#熱話

相關文章
點餐竟變單點計算 目擊者:職員同伯伯講冇餐叫
不再是小朋友夢樂園? 網民:好掛住以前嘅老麥
跟霓虹燈招牌說再見 30年樂富地標麥當勞今結業
「醫肚地標」陸續消失 再見裕民坊、樂富麥記
再見至尊板雞足三兩 麥當勞新包取唔取代到?

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x