用個人FB反擊網民 蘇永康否認:懷疑帳戶被hack

Fri Dec 02 2016 11:41:56 GMT+0800 (中國標準時間)

撰文︰Take it e時

生仔究竟似梁頌恆好?似蘇永康好?定係生舊叉燒更好?呢個話題忽然間成為熱話,鬼叫啱啱做人爸爸嘅蘇永康,冇啦啦講咗句:「唔想生個仔似梁天恆,唔可以背祖忘宗、分裂國家嘅事」,仲隔空同梁頌恆開火㖭。明知近年中港矛盾深,仲要連人哋個名都講錯,網民當然插爆呢位「愛國」藝人,仲重提佢15年前吸毒事件,諷刺佢當年都做錯過,都唔係好㗎啦,冇資格話人。結果係點?蘇永康咪即刻反擊囉!

▲蘇永康逐一反擊網民言論。

話說立場「愛港」及「反港獨」嘅網媒「Speak Out HK 港人講地」喺FB讚揚蘇永康言論,吸逾萬人讚好,當中有人支持同反對,唔知係咪因為反應熱烈,竟然吸引蘇永康真身,佢以其FB帳號「William Gung」回應網民留言,有網民稱「吸過毒特別愛國」,William反擊:「咁請問唔吸毒係特別喜歡仇恨分化?」之後蘇永康仲反擊重提佢當年吸毒嘅人:「如果妳下一代吸毒,我希望佢可以像社會大眾般給我機會,而唔係過咗十五年仲提!」,又稱自己做得出唔怕認,唔知其他人,似乎嬲嬲豬喎。

▲蘇永康表示自己唔會用呢個帳戶留言。

嗱,你認為「William Gung」只係有人冒充蘇永康?蘇永康回應傳媒,承認呢個係自己FB帳號,但就否認有留言,聲稱唔知有「港人講地」呢個專頁,更指有關留言唔係佢寫,「懷疑facebook帳戶被hack咗」。

係真唔係,如佢回應「梁頌恆有冇吸毒,佢自己先知」一樣,真係得佢自己先知囉。

圖片來源:港人港地

#蘇永康#梁頌恆#生仔#吸毒#15年前#唔敢認#e分鐘#TakeItE時

相關文章
《娛樂‧經濟學》新手父親要惡補 蘇永康:香港有十年免費教育
男神抱「蘇蝦」變暖男 黃子華:見到BB就忍唔住啜埋去
男人幫登台搵銀過肥年 楊千嬅提早過生日
被蘇永康指背祖忘宗 梁頌恆反撃:我冇吸毒
老婆佗仔6個月 49歲蘇永康:老來得子

推介文章
放蛇試明星麵 麥包小儀慘敗 牛雜妹完勝
包無投訴 粉紅餐廳
彈弓吊索健身 蘇慧恩飛天收腰
【余此好味】富貴滋補 葱油涼拌蟲草花
【跟住爸爸食麻神】台灣過江龍麻神 開門七件事
祖藍大讚神秘女歌手 原來係杜麗莎大女
【跟住爸爸食麻神】黃浩教路食乜最好
皮膚又痕又乾 中醫教食無花果
燈影蓮藕 伴香煎北海道帶子皇
新咪神黃文意 VR健身練馬甲線
黃金組合 林盛斌 謝英偉
【倫敦燈光節】全城地標大變身
按此閱讀臉書精彩內容

熱爆e+up


載入中…
x