用「老母」做宣傳好低俗? 網民鬧爆旅遊公司:尊重下啦

Wed May 03 2017 12:16:59 GMT+0800 (中國標準時間)

撰文︰Take it e時

臨近母親節,大家都希望做下孝順仔女,帶阿媽周圍遊下,就算平日粗口爛舌嘅人都會收下口,盡量唔好問候人哋媽媽,話晒呢日阿媽大晒㗎嘛。最近有間旅遊公司,趁母親節推出優惠,請阿媽免費旅行。原意就好有孝心,但弊在宣傳口號出事呢!呢間旅遊公司大字標題寫住「我請你老母」,唔少市民認為「老母」一字好低俗,加上全句「我請你老母」好有負面感覺,似鬧人居多。

▲另類遊公司以「請老母」做宣傳口號,但被批太低俗。

有網民認為呢個係「低俗嘅宣傳手法」、唔應該拎「母親嘅同義詞開玩笑」、「講老母基本上就會連結到粗口」,認為旅遊公司嘅口號「對天下母親有失尊重」。有持相反意見網民認為,「老母」一字並非粗口,認為「如果老豆唔係粗口,點解老母會係粗口?」亦有網民表示「其實老母一詞好文雅,不過佢咁樣宣傳確實不妥!」

▲普遍網民認為宣傳手法有問題。

▲粗口定粗俗?你點睇?

其實「老母」字早有典故,以前文言文都曾出現過「老母」一字,更有注解表示:「老,尊稱也」。由此可見,「老母」喺字義上係蘊含敬意。而主持《粗口學堂》嘅Ben Sir(歐陽偉豪)亦曾經解釋過,「老母」一字並非粗口,係帶有鍾情、疼愛意思。

圖片來源:Alternative Travel Ltd

#老母#母親#粗口#粗俗#母親節#e分鐘

相關文章
為部手機問候老母 先達店員爆粗怒插大叔
高音俠大戰金句王 怒吼:你自己鍾意擺老母上街咋
心痛阿媽唔領情 阿女:難道心意比唔上貴價品?
喊住唱《媽媽I Love You》 肥媽:仔女打電話慰問一句已很足夠
激嬲阿媽最勁一次 阿仔:佢鬧完我入廁所喊

推介文章
街頭賣唱變網紅 羅凱鈴:其實好辛苦
同朋友開年食呢間!
「牛雜妹」李美琪教 新年暴食減肥4招
米芝蓮大廚教煮住家菜(下)
美心妹妹帶你年假放電 SuperPark三個必玩game
誰能明白我 何綺雲
荔枝角蛋包飯 聾人主理
狗年迎春攻略 Mall姐呼籲領養 玩人狗瑜伽 教毛孩逗利是
狗年迎春攻略 Mall姐呼籲領養 玩人狗瑜伽 教毛孩逗利是
陳蕊蕊、肥腸 醒你情人節冧招(伴侶篇)
闖出我天地 杜麗莎大女T.V. Carpio
裸妝最強! 5大Cushion粉底
按此閱讀臉書精彩內容

熱爆e+up


載入中…
x