由摑13巴到擔正用咗四年 王浩信演藝進化史

Fri Apr 08 2016 19:50:00 GMT+0800 (中國標準時間)

撰文︰Take it e時

最近王浩信拍無綫劇集《EU超時任務》,繼上年嘅《樓奴》之後再次擔任男一,劇中表現令唔少人讚好。其實佢由08年加入TVB,直至近年擔正做男主角,上位速度都可以話係非常快,依家就帶大家睇下佢嘅「上位之路」啦!

入行初期(2008年 – 2011年)

啱啱入行冇耐,王浩信自然要由配角做起,拍咗幾套劇都未被觀眾所熟悉。雖然憑2010年嘅劇集《刑警》提名「最佳男主角」,令人開始留意到佢,但之後接連幾套劇好似《居家兵團》《換樂無窮》等都冇咩起色,可以話係沉寂嘅時期。

▲拍《刑警》時嘅王浩信,外表未成熟,但演技有驚喜。

意外爆出(2012年)-《名媛望族》

王浩信喺呢套劇入面只係配角,但佢憑住俾劉松仁狠摑13巴嘅一幕,成功掀起話題,令佢成為嗰期嘅熱門人物。呢件事話俾我哋知,就算俾人打都唔係壞事,少少苦楚等於激勵嘛(好似係)~

▲俾人打到面都紅晒。因為俾人係咁掌摑,佢亦都被人改咗兜巴信呢個外號。

街知巷聞(2013年)-《法外風雲》

唔知係咪編劇食過返尋味,呢套劇入面王浩信再次俾人安排掌摑戲份,今次仲要俾謝雪心怒摑24巴,真係睇見都覺痛。但佢就係正正憑住呢套戲拎咗「飛躍進步男藝員」,仲成為咗網民討論嘅焦點。唔知王浩信會唔會因此覺得捱呢24巴都係抵嘅呢?

▲俾人掌摑24巴,破晒TVB劇集紀錄。

多產時期(2014年)-《愛我請留言》《再戰明天》

呢個時期大家成日都可以見到王浩信,皆因黃金時段嘅劇集佢都有份演。而佢喺《愛》《再》兩套劇嘅演出都顯示佢演技逐漸成熟,甚至可以話水準係喺其他演員之上。《愛我請留言》入面王浩信飾演有錢型男,仲令唔少人開始欣賞佢嘅外表,一時間多咗唔少女粉絲,威!

▲《愛我請留言》入面飾演有錢靚仔。咁公道嚟講,佢本身都係靚仔嘅。

漸入佳境(2015年)-《樓奴》

終於第一次做男一,王浩信當然要好好把握機會。佢表示自己有認真鑽研點樣演好個角色,而結果套劇出到嚟,佢嘅喜劇感的確令個角色變得立體同埋討好。去到呢個時期,佢嘅演技已經得到唔少人認同,有好嘅觀眾緣亦令佢開始受歡迎。

▲《樓奴》入面王浩信演喜劇嘅天份盡現。

成功上位(2016年)-《EU超時任務》

再次做男一,王浩信今次嘅表現更加搶鏡。無論係誇張搞笑定係認真嚴肅嘅戲份佢都處理得好好,為咗角色而練嘅圍頭話亦講得唔錯。演戲成日都肯搏到盡,演技又夠晒多元化,難怪佢愈嚟愈受觀眾歡迎啦!

▲渠頭呢個角色俾到王浩信唔少發揮空間,亦見識到佢搞笑嘅一面。

王浩信依家擔正,未來一定會有更多劇集主角有佢份,粉絲一定最開心!未有新劇睇之前,一於重溫下佢「13巴」嘅演出啦~



#王浩信#上位#演技#搞笑#劇集#TVB#掌摑#進化#演藝#TakeItE時#推介#熱話#影片

相關文章
爆《踩過界》第2季悲慘結局 醫好眼見朱千雪慘死 李佳芯墮海亡
Hip Hop《踩過界》 王浩信李佳芯被惡搞
「兜巴信」變「剝衫王」 王浩信:好辛苦完全唔Enjoy!
e衫評 王浩信識襯色 麥明詩戴錯Bra
陳自瑤怨老公少返屋企瞓 王浩信婚姻現暗湧

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x