當年無綫力捧「奧運六星」 12年後變成點?

Sun Jul 24 2016 13:05:49 GMT+0800 (中國標準時間)

撰文︰Take it e時

下個月就係巴西里約奧運開幕,Tvb亦繼獲得獨家播放權,過去日子已鋪天蓋地宣傳,而其實過去日子無綫籍奧運盛事捧新人或者當家花旦小生,好似04年雅運就力捧由六位男藝人組成嘅「奧運六星」,包括:陳鍵鋒、林峯、黎諾懿、黃宗澤、馬國明、吳卓羲。每逢奧運呢六星都會被網民提起,事隔12年後,唔知佢哋各自發展成點呢?

林峯

林峯可以話係「六星」入面發展最出眾嘅一個。本身喺無綫極受重用,基本上三線劇集都有份,歌、影、視三方面都有一定嘅成就,拎過金曲金獎、亞太區最受歡迎男歌手,就連紅館都已經開咗5次,最近一次係上兩個月嘅事。而愛情方面亦同吳千語有穩定發展,加上林峯有家底,可以話係人生勝利組。

▲5年4度開紅館破香港紀錄。

▲事業愛情都相當得意。

馬國明

有馬明BB之稱嘅馬國明事業發展係六星之中唔錯嘅一個,喺香港同大馬都有好高知名度,奈何咁多年嚟同視帝寶座無緣,係觀眾眼中嘅無冕視帝,加上戇直性格深度觀眾喜愛,極有觀眾緣嘅佢,已係新一代嘅師奶殺手。

▲新一代師奶殺手。

▲馬明嘅天然呆係煞食位。

黎諾懿

黎諾懿嘅事業發展一般,演出唔少,但深刻嘅角色唔算多,直到2012年拍《愛回家》,憑住馬壯一角贏得網民歡心,亦成為佢演藝事業嘅代表作,早兩年仲結埋婚,呢位最接近神嘅男人,正值職業生涯最黃金嘅時刻。

▲神之馬壯係最接近神嘅男人。

黃宗澤

黃宗澤同林峰均係歌、影、視三棲藝人,但成績方面就比林峰遜色得多,尤其唱歌方面,一首《最後祝福》令網民「聽出耳油」,直到今更成為失傳嘅香港好聲音,但喺影視方面都有唔錯成績,近年更轉移去中國大陸,嚟緊有三部劇待播映,仲係第一男主角㖭!

▲黃宗澤keep住拍劇同拍戲,惟獨唱歌就冇再唱啦。

吳卓羲

曾經為力捧小生之一嘅吳卓羲,喺無綫有唔少代表作,學警系列係其中之一,最近仲重播㖭。不過當年因為桃色風波而被無綫雪藏過一排,及後發展都唔錯嘅,不過上年佢已經離開咗TVB,結束17年賓主關係,現時主攻大陸拍劇。

▲最近無姈重播《學警狙擊》。

陳鍵鋒

本屬靚仔小生嘅陳鍵鋒係六星之中,最早同無綫斷絕關係嘅藝人。早喺6年前已經北上發展,成績都唔錯,套套劇都做男一,內地人氣高企嘅佢,早排更榮登亞洲十大男神網絡票選第一名㖭!

▲知名度喺大陸高過香港。


#奧運#奧運6星#tvb#無綫#林峰#黎諾懿#馬國明#黃宗澤#陳鍵鋒#吳卓羲#TakeItE時#熱話

相關文章
BB也奧運
飛魚齊撐渡海泳 歐鎧淳展現泳手美態
國家奧運跳水表演 吸睛程度爆燈(多圖)
與殘疾運動員並肩作戰 體驗香港不倒精神
選手的願望 吉里巴斯比賽背後的故事

推介文章
《溏心3》搞笑!Bosco細31年做司棋姐細佬
網民同推做視帝 王浩信馬明你揀邊個
大人細路爭住玩室內賽車場
【日本賞楓新角度】 鳥取坐滑雪吊車睇秋色
3招健胸操
【撐小店】希望在明天
鄭丹瑞寸麥美恩:麥明詩十優,你久休!
【孖你做瑜伽】 中級雙人背部伸展
【孖你做瑜伽】 搵個partner幫你輕鬆拉筋
【跟住爸爸食燕窩】唔使一嚿水 燕窩食滿咀
最叻星二代 倫子譚曉風攬女示眾
活在當下 曹永廉
按此閱讀臉書精彩內容

熱爆e+up


載入中…
x