疑用生鏽釘板趕流浪貓 居民怒斥:呢啲人會俾天收

Thu May 04 2017 18:23:03 GMT+0800 (中國標準時間)

撰文︰Take it e時

屋村地方不時有流浪貓狗出沒,未必每一個人都鍾意對小動物,但河水不犯井水,即使唔鍾意都冇必要傷害。最近元朗新田村居民發現多塊釘滿鐵釘嘅木板,懷疑有人故意放置釘板,以傷害流浪動物。居民怒斥放置呢啲釘板嘅人冇良心,認為佢哋做嘅事,遲早有報應。

▲Connie表示搵到多塊釘板。

網民Connie Chan喺網上上載呢幾張釘板圖,清楚見到木板上放滿鐵釘,大概兩呎半X半呎大細。Connie表示鄰居一向有餵流浪貓,但最近見流浪貓頻頻受傷,覺得好可疑,於是去附近後巷巡查,發現地上及簷篷有多塊生鏽釘板。

▲Connie為咗流浪貓咪安全,會先安排接走貓咪。

Connie指嗰一帶經常有流浪貓出沒,所以推斷係用嚟驅趕流浪貓。對於呢種做法,Connie表示非常憤怒:「真係又嬲又激氣,有隻貓貓已經受傷,想報警,但姨姨怕啲人會再傷害啲貓。」Connie表示,已經將釘板拆除,但尋日又發現多一塊兩呎半×呎半大嘅釘板,為咗流浪貓咪安全,會先安排接走貓咪。

▲Connie指今日又搵到一塊。

為流浪貓出心出力,全因唔希望小動物受傷害。Connie直言,唔鍾意小動物唔緊要,但唔好傷害佢哋,又認為佢哋要流浪已經好慘,點解仲要傷害佢哋?憤怒嘅Connie直斥放置呢啲釘板嘅人冇人性,認為佢哋做嘅事,遲早有報應。

可以不愛,但請唔好傷害,你所作所為,唔好以為無(冇)人知你做, 你要作孽因果自受,動物流浪已經好可憐,你仲要傷害佢,天有眼架,只係時辰未到。

圖片來源:Connie Chan

#流浪貓#元朗#新田村#釘板#e分鐘

相關文章
排頭位被打尖冇得上車 阿伯嬲爆人肉擋九巴
原居民聲討政府丁屋政策 
元朗、屯門、天水圍 香港塞車重災區三巨頭
濕身鞦韆彩色沙池任玩 元朗都有水上樂園
【香港奇談】猛鬼地標系列 元朗屏山達德小學

推介文章
我們的時光 Twins
狠飛太極Ricky 戴夢夢澳門攬佬
舌戰7女星談情說性 黃浩被阿嬌KO
一個人  湯寶如
玩交友App識男仔 麥明詩約俊男high tea
翻新暫別街坊六星期 公和荳品:凡事向好方面看
洗米華大仔周柏豪:同爸爸溝通唔係太多
《警訊》被插拍得浮誇 堅哥反擊:咁係咪佢自己好醒呀?
陳自瑤怨老公少返屋企瞓 王浩信婚姻現暗湧
【挑辣星極辣挑戰賽】到底辣王辣后誰屬?
【挑辣星極辣挑戰賽】星級參賽者鬥食辣Laksa辣魚蛋
宣萱 有要求的人
按此閱讀臉書精彩內容

熱爆e+up


載入中…
x