疑被「特首御廚」無理針對 麵家山下:為啖氣想我哋死

Wed Feb 15 2017 16:38:37 GMT+0800 (中國標準時間)

撰文︰Take it e時

唔少人去上水食日本嘢,可能都會去呢間小店「麵家山下」,試下佢哋性價比極高嘅HK$58拉麵,當支持一下小店嘛,但最近發生一啲事,令「麵家山下」面臨搬鋪危機,唔係因為俾人加租,而係疑似被人搞到冇得做。

▲麵家山下表示,其實政府部門都好慘,但佢哋只係打工,明白唔關佢事。

「麵家山下」尋日喺FB專頁發貼,表示自己近兩個月每日都收到政府不同部門嘅電話投訴,指稱佢哋阻塞通道、虐畜、食物有蟑螂等等,政府都俾呢位匿名投訴搞到氹氹轉,連食環都問係咪同人有深仇大恨。「麵家山下」發言人表示,相信係因為兩個月前一宗客人投訴有關。

▲麵家山下認為搞事者係呢位「特首御廚」。

據「麵家山下」指,兩個月前有位聲稱係「特首御廚」嘅客人,光顧期間發現炸蠔「有怪味」,於是要求「換炸蝦」,同時亦搵「日本師傅同侍應試食」,以證冇問題,事後老闆娘山下小姐當面同客人表示炸蠔冇問題,亦願意換炸蝦俾客人,點知發爛渣失晒控,仲嚇親其他客人。期間,呢位客人稱聲「自己係特首御廚」、「好熟政府所有電話」,甚至表示「會整死」佢哋。「麵家山下」表示,為求息事寧人,已道歉同退錢,但結果換嚟係每日唔同部門嘅投訴。

▲「麵家山下」表示感激網民支持,

「麵家山下」發言人表示,因為呢件事搞到心力交瘁,仲因為咁而被食環叫搬鋪。「麵家山下」認為佢只係為咗淡氣,如今已經成功,希望對方可以放過佢啦哋。大部份網民都認為係有心人搞事,更力撐「麵家山下」唔好為咗刁客而搬鋪,甚至有網民去信俾立法會議員楊岳橋跟進。現時未知「麵家山下」如何處理,但對方表示會報警處理,不過都要做好最壞方案,就係決定搬鋪,至於搬去邊,「麵家山下」表示希望留喺上水。

來源:麵家山下FB

#麵家山下#特首御廚#死#政府#投訴#e分鐘

相關文章
爆《踩過界》第2季悲慘結局 醫好眼見朱千雪慘死 李佳芯墮海亡
衝門阻閂閘賴死唔走? 港鐵阿叔:你落車行路吖!
對生還者笑稱「火災有好處」 網民怒插記者:你白癡㗎?
推落水池監生咬死 江蘇動物園活驢餵老虎極殘忍
自己都頂唔順山寨蠟像 范冰冰:崩潰到想死

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x