百億富豪許世勳今出殯 新抱李嘉欣喊到鼻紅

Mon Dec 10 2018 21:44:25 GMT+0800 (Hong Kong Standard Time)

▲許世勳兒子許晉亨同太太李嘉欣一早到達殯儀館。

▲許晉亨同李嘉欣所生嘅囝囝Jayden,由李嘉欣助手陪同抵達靈堂。

▲澳門前特首何厚鏵送上花牌悼念。

李嘉欣老爺、中建企業主席許世勳上星期病逝,享年97歲,噚日喺北角香港殯儀館設靈,今日出殯。許世勳兒子許晉亨同太太李嘉欣、囝囝許建彤(Jayden)一早到場打點。

趙世曾單拖到場。

吳婉芳(右)帶埋囡囡(右二)來送別許世勳。

同許家有多年交情嘅趙世曾單拖到場,佢話同許世勳識咗幾十年,仲話知道對方病咗好耐,亦聽聞對方走得自然,佢亦話知道許世勳安葬地點,不過要留俾家人公布,佢逗留10分鐘左右就離開。86年港姐亞軍吳婉芳喺許世勳設靈當晚帶一對仔女嚟致祭,今朝又同囡囡嚟送別,非常有心。

儀式大概喺早上十一點完成,許晉亨一家三口大約喺十一點十分離開殯儀館,李嘉欣拖住囝囝Jayden離開,見佢眼紅紅,一臉哀傷上車,而許晉亨同其他親友,就喺後門上靈車,隨靈柩出發去歌連臣角火葬場。

火葬場嘅儀式喺十二點幾完成,許晉亨和李嘉欣跨過火盤,李嘉欣更加喊到鼻都紅晒,之後許家家屬到銅鑼灣食解穢酒,直至下午兩點離開。

許晉亨手執爸爸許世勳遺照步入歌連臣角火葬場。

歌連臣角火葬場有許世勳遺孀、囝囝許晉亨夫婦、囡囡許雪元夫婦嘅花牌。

儀式完成後,許晉亨、李嘉欣拖住囝囝Jayden離開,嘉欣喊到鼻都紅晒。

許晉亨、李嘉欣與其他家屬,離開火葬場後,去銅鑼灣西苑食解穢酒。

▲許晉亨、李嘉欣拖住囝囝Jayden離開西苑,全程一言不發。


#GossipGossip#八八通#許世勳#李嘉欣#許晉亨#許建彤#趙世曾#吳婉芳#e+娛樂#娛樂#推介

相關文章
【老公買2,828萬獨立屋追B】李乘德邊行邊傾生意 胡杏兒開心濕平
《e衫評》周汶錡復古又新潮 鄭秀文太瘦撐唔起
【3個月減30磅】姜皓文佬味濃 行街Chok爆
【好可惜】申請補場失敗 劉德華火速復工
【何家最索千金】超蓮做老闆心掛掛 行街都要返去望一望

推介文章
【3個月減30磅】姜皓文佬味濃 行街Chok爆
【何家最索千金】超蓮做老闆心掛掛 行街都要返去望一望
張智霖係完美老公 變身異性絕緣體
【男友係集團餐廳老闆】「天嬌」入屋繼續搏殺 譚凱琪唔做豬年新娘
戴口罩微服出巡濕平買餸 馬浚偉同人撐枱腳?
【一家超幸福】當年拍拖不被睇好 一條片證蔡少芬冇嫁錯張晉
應采兒着鬆身衫孖囝囝睇醫生 陳小春IG暗示有多個B?
麥玲玲2019豬年運程-肖狗桃花旺隨時閃婚 喜事重重開心年份
【名導林嶺東設靈】 周潤發拖老婆哀傷致祭
【終極結局】奸仔馬炭犧牲救大家 大帥哥沅婉、冬來愛美Happy ending