相隔七年再拍阿佘 黃子華經典女拍檔組合

Wed Mar 08 2017 23:35:00 GMT+0800 (中國標準時間)

撰文︰Take it e時

日前黃子華擔正做男主角嘅新戲《棟篤特工》開鏡,相信粉絲一定好期待快啲喺大銀幕上面見到子華嘅演出。而值得一提嘅係,今次子華仲會同佘詩曼拍住上,相隔七年再次做拍檔,更可能會有親熱戲㖭!其實子華過往拍過咁多電影同埋劇集,合作過嘅女拍檔都唔少,咁以下嘅呢幾對經典組合你又最鍾意邊一對呢?

《男親女愛》毛小慧(鄭裕玲 飾)

毛小慧同余樂天呢對鬥氣冤家,真係可以話係經典中嘅經典。兩個無論係鬥氣定搞笑都默契十足,一唱一和絕對係非常合拍。當年除咗劇集創下收視紀錄,佢哋呢一對都令觀眾印象深刻,今日睇返一樣係咁正!

▲就算今日再重溫,都係咁經典!

《棟篤神探》李慧慧(蔡少芬 飾)

雖然又係歡喜冤家套路,但蔡少芬心直口快嘅女強人形象,配搭子華聰明但亂咁嚟嘅神探,新鮮感十足。兩個人喺劇中對彼此嘅感情細膩又觸動人心,難怪嗰時結局太慘引致觀眾不滿,搞到要拍返個「大團圓結局」先得啦~

▲連表情都咁夾,確實合拍~

《絕代商驕》林淼淼(佘詩曼 飾)

當時劇集好評如潮,子華嘅演出固然精湛,但佘詩曼嘅配搭亦好重要。商界狙擊手同收數妹嘅戀情,甜蜜得嚟又自然令觀眾好易投入,兩個人之間嘅打情罵俏演出更加係「閃盲」唔少人。唔知今次佢哋再合作又會有咩新火花呢?

▲當年呢對真係睇得唔少觀眾好開心。

《My盛Lady》 盛花蕾(徐子珊 飾)

劇集收視唔算特別好,但子華同徐子珊呢對一樣贏得唔少觀眾嘅喜愛。徐子珊演嘅盛女大戰子華嘅香廣男,「潑辣對無賴」嘅組合甚有火花,兩個人嘅角力夠張力之餘亦趣味十足,都係唔錯嘅一對拍檔。

▲劇集更有現代感,你對呢對拍檔嘅觀感又會唔會加分呢?

▲其實除咗劇集,子華喺電影都有好多經典女拍檔。《男歌女唱》入面嘅梅姐就係其中一個。

圖片來源:TVB

#黃子華#女拍檔#新戲#劇集#經典#鄭裕玲#蔡少芬#佘詩曼#徐子珊#TakeItE時#熱話

相關文章
男神抱「蘇蝦」變暖男 黃子華:見到BB就忍唔住啜埋去
男神黃子華Solo Live 自彈自唱一樣掂!
舊愛男神俾面現身 鄭中基演唱會碌盡人情請嘉賓
撐Sammi場大放笑彈 黃子華:生個仔叫許勝不許敗
群星撐Sam哥演唱會 明蝠俠黃子華投最愛歌曲

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x