硬撼歷代美猴王 林峯Chok樣化身「最型馬騮」

Fri Jun 02 2017 09:00:00 GMT+0800 (中國標準時間)

撰文︰Take it e時

無論係馬騮扮人定係演員扮馬騮,大家可能都睇過唔少,但「最型馬騮」你又見過未?日前林峯喺微博上載佢參演電影《大潑猴》嘅劇照,向粉絲展示佢化身馬騮仔嘅一面,就被唔少網民大讚佢做咗馬騮都係咁靚仔,紛紛稱呼佢為「帥猴」。

而其實除咗林峯之外,唔少香港男演員都曾經扮過馬騮,而且扮起上嚟仲各有魅力。咁多唔同版本嘅「靚仔馬騮」,你又最鍾意邊個呢?

林峯

水汪汪嘅有神雙眼、勾人魂魄嘅性感濃眉,林峯扮起馬騮上嚟都係咁靚仔。先唔提佢關心小朋友嘅暖男舉止,淨係睇佢型到喊嘅chok樣,都已經冇得輸。話佢係「最型馬騮」,唔知你又認唔認同呢?

張衛健

「我係花果山水簾洞美猴王,齊天大聖孫悟空!型到跌渣!」張衛健演嘅孫悟空有幾經典,唔使多講,而佢扮起馬騮上嚟唔單止神似,仲真係「型到跌渣」。雖然未必係玉樹臨風,瀟灑倜儻,但佢廣闊既胸襟加強勁既臂彎都迷倒唔少人……

郭富城

一舉手一投足都充滿魅力,郭富城化完馬騮妝依然咁型。扮起馬騮除咗霸氣盡現之外,充滿「天王」風範嘅神態亦令人無法移開雙眼,大概唔少粉絲都想對同呢隻馬騮講:對你愛愛愛不完……

甄子丹

「宇宙最強」變咗身做馬騮,一樣係宇宙最強。即使個樣化到似足真馬騮,但處處盡現武功影子嘅動態,配搭完美嘅fit到漏身材,「馬騮仔版」甄子丹依然型到魅力沒法擋。

▲仲有唔少男演員都扮過馬騮,例如陳浩民。


#林峯#張衛健#郭富城#甄子丹#陳浩民#齊天大聖#孫悟空#TakeItE時#熱話

相關文章
男星露股必紅 重溫陳展鵬林峯靚股
與林峯秘密訂婚 吳千語無樓揸手
曾帶潘霜霜來港發展 吳傑莊開戲約錢國偉密斟
減肥減錯咗? 史上最瘦林峯現身:廿年嚟冇試過咁輕
07年出道歌手相約聚舊 林峯周柏豪唔見影?

推介文章
【跟住爸爸食燕窩】唔使一嚿水 燕窩食滿咀
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海