祛濕大法 踢走眼腫面腫

Tue May 03 2016 19:30:29 GMT+0800 (中國標準時間)

▲面腫就可以用手指骨,分別在眼底、顴骨對落和嘴角位置向耳背推開,每次做10下。

撰文︰吳碧欣 攝影︰李玉梅、翁志偉

有無發覺,在潮濕的春季,個人特別容易攰,經常覺得頭重重、無胃口、凡事提不起勁?中醫指出,這些都是濕重的徵狀。別以為踏入夏季便無事,體內持續積聚濕氣,再加上飲食不健康,會引致水腫問題,最明顯是一覺醒來眼腫面腫,繼而出現四肢浮腫。不想一年四季肥腫難分,專家有計。

▲註冊中醫師卓幼至表示坊間流行的通淋巴,其實是經絡瘀阻現象,可通過按摩推拿、針灸、拔罐或食療回復經絡暢通。

濕重vs水腫

濕重與水腫,在中西醫學上有不同解讀,博愛醫院社區健康中心註冊中醫師卓幼至表示,從中醫角度,濕重是身體感覺到的徵狀,包括集中不到精神、瞓極唔夠、頭重頭墜、經常覺得飽飽滯滯等。成因是潮濕環境,加上飲食肥膩、嗜吃凍飲、甜食,都會引致濕重。
「假如先天脾弱同腎氣弱,或後天食好多生冷嘢甜嘢,持續損耗腎臟脾臟,由濕重變成水腫可以快至2、3個月。」他補充,中醫口中的脾胃,是指消化系統同水道系統,脾弱會導致濕氣積聚,繼而影響腎功能。「腎係身體處理水液嘅系統,一旦出問題就會發展成水腫現象,包括手指脹、腳腫、眼皮腫甚至一瞓醒成塊面腫晒。」

▲長期攝取高鈉食物,會影響腎臟健康,增加患高血壓及心腦血管病變的風險,後果可大可少。

素食營養師伍雅芬(Arlene)亦認同水腫是源於飲食不健康,但元兇是食得太鹹:「西醫認為,水腫係太多鈉質引致。例如好鹹或者精製食物,都含有高鈉,如果身體唔夠鉀,排唔走多餘嘅鈉,就會出現水腫。」
除了禍從口入,她表示很多有水腫問題的人都是由於缺少運動,「成日唔郁,水分就會谷住响身體入面,如果唔郁又食得少,身體會自動將新陳代謝率拖慢,就好似埃塞俄比亞啲小朋友,個肚好大,其實都係水腫嘅一種,佢哋因為嚴重缺乏蛋白質,細胞裏面嘅水分唔能夠及時排出體外而造成。」

▲拔罐原理是透過負壓,將體內的濕氣和瘀血帶走,主要用於背部的穴位。

戒口加運動祛濕

要祛濕去水腫,中醫認為首要是戒口及多做運動幫助排汗,再配合中藥、拔罐或針灸治療。博愛醫院社區健康中心註冊中醫師高琳表示,「中藥治療嘅好處係可以視乎唔同情況用藥。如茯苓、薏米、扁豆等都係常用嘅祛濕藥。而拔罐同針灸都有利濕作用,好似背部嘅背俞穴,包括肺俞穴、脾俞穴同腎俞穴都同身體嘅水液代謝有關,有助去咗啲水濕。而傳統中醫認為拔罐有助將濕氣同瘀血帶出嚟,雖然拔完會有少少痛,但之後會覺得鬆番,係一個先破壞後建設嘅過程。」

對於不少人以為有水腫不應該飲水,Arlene指出,「其實呢個時候更加需要多啲水分同多啲鉀質,先可以將多餘嘅身體鈉質沖出嚟。除了食一啲水分豐富嘅蔬果之外,木瓜、奇異果同橙都含有高鉀質同酵素,酵素可以幫助提升消化力,減少身體入面嘅毒素積聚。同埋最緊要係keep住要郁,得閒做啲伸展運動,因為坐得多唔只容易腳腫,越攰越唔郁,個心就唔會跳得咁快,成個人嘅血液循環個泵力就會差,形成惡性循環,加重水腫問題。」

眼皮:用食指和拇指輕輕搣起眼皮,放手後見到眼皮皺起,即表示有水腫。
面部:自我對比,如發覺面部比之前腫脹,顴骨或腮突然消失不見,表示有水腫。
手指:手指脹起,原本戴着的戒指突然變得好緊,都是水腫現象。
小腿:脛骨內側皮膚比較薄,手指按下然後放手,若回彈好慢,或有凹痕就是水腫現象。
腳掌:用手指在腳面按一下然後放手,如出現指痕即表示有水腫。

資料來源:博愛醫院社區健康中心註冊中醫師卓幼至

#袪濕#自我測試#拔罐#眼腫面腫#健康

相關文章
去水腫保瓜子面 穴位食療雙管齊下
3招健胸操
【跟住爸爸去台北】探松山文創園區人氣蜂蜜小店
【孖你做瑜伽】 中級雙人背部伸展
【孖你做瑜伽】 搵個partner幫你輕鬆拉筋

推介文章
《溏心3》搞笑!Bosco細31年做司棋姐細佬
網民同推做視帝 王浩信馬明你揀邊個
大人細路爭住玩室內賽車場
【日本賞楓新角度】 鳥取坐滑雪吊車睇秋色
3招健胸操
【撐小店】希望在明天
鄭丹瑞寸麥美恩:麥明詩十優,你久休!
【孖你做瑜伽】 中級雙人背部伸展
【孖你做瑜伽】 搵個partner幫你輕鬆拉筋
【跟住爸爸食燕窩】唔使一嚿水 燕窩食滿咀
最叻星二代 倫子譚曉風攬女示眾
活在當下 曹永廉
按此閱讀臉書精彩內容

熱爆e+up


載入中…
x