【秦嵐襲港】 《延禧》紅星愈變愈靚 認唔認得瓔珞、皇后?

Wed Sep 12 2018 21:49:11 GMT+0800 (HKT)

大陸劇《延禧攻略》掀起煲劇熱潮,「富察皇后」秦嵐噚晚嚟到香港,喺機場出嚟嗰陣着條黑色牛仔熱褲,騷白滑美腿,仲着件低胸衫晒下鎖骨!今晚佢就同蔡卓妍、吳尊出席化妝品牌活動,秦嵐條裙胸前中門小開,少少性感得嚟又好高貴,雖然佢係劇中已經死咗,不過無損一班Fans嚟拜見皇后,一見到秦嵐不斷大叫「皇后」!

▲秦嵐今晚出席一個化妝品牌活動。

▲一班fans見到佢嗰陣瘋狂大叫「皇后」!

▲皇后秦嵐靚女。

▲覺唔得秦嵐個樣有啲似韓星。

▲吳尊、秦嵐、蔡卓妍齊齊出席活動。

▲秦嵐噚晚嚟到香港,步出機場嗰陣仲企定定任影。

人紅事是非多

《延禧攻略》除咗收視長紅,劇入面嘅主要人物都因為人紅事是非多,而廣受網民熱論,最大單莫過吳謹言喺早排,俾內地央視點名力數扮大牌擺款、臨時更改採訪地點,要攝製隊俾場地費,同埋話之後有工作,而硬Cut採訪時間嘅吳謹言,廣電總局之後仲口頭通知各大影視公司要「慎用」佢,搞到吳謹言要即刻公開道歉認錯。

▲吳謹言被指扮大牌,令佢急急腳耍冧。

▲吳謹言喺微博8月28日轉發公司向央視道歉聲明,之後再無update過微博 。

懷疑「變臉」

三位男女主角仲被網友懷疑「變臉」,有網友搵咗「皇上」聶遠、「魏瓔珞」吳謹言同「富察皇后」秦嵐以前同依家嘅相做對比,明顯有分別,《八八通》就同大家分析一下啦!

▲吳謹言

▲秦嵐

▲聶遠

三位男女主角仲被網友懷疑「變臉」,有網友搵咗「皇上」聶遠、「魏瓔珞」吳謹言同「富察皇后」秦嵐以前同依家嘅相做對比,明顯有分別,《八八通》就同大家分析一下啦!

秦嵐腮骨起角變面尖尖

37歲嘅秦嵐係1999年就出道,拍過嘅電視劇同電影大大少少都成50部,網民搵番佢早年拍劇嘅相,見佢好明顯腮骨起角,側面幾乎90度角咁滯,正面睇就正方形!另一個變化部位就係眼袋,不過佢早排接受內地傳媒訪問嗰陣就話,係製作人于正將佢係《新版神雕俠侶》入面嘅戲份,捽走晒佢對「臥蠶」,搞到佢變咗面。
相:

▲秦嵐好多年前係腮骨起角,而家就變到面尖尖。