節目狂鬧新人惹批評 「犯眾憎」江美儀:係角色設定

Wed Dec 07 2016 11:33:37 GMT+0800 (中國標準時間)

撰文︰Take it e時

刻薄定有性格?可能只係一線之差,觀乎你用咩態度感受,唔知江美儀喺你眼中,係前者定後者?最近江美儀頻頻見報,但幾乎清一色係負面新聞,因乜解究?之唔係佢喺綜藝節目《街市遊樂團》入面,狂鬧做下把位嘅新人陳浚霆,對佢大呼喝罵,講親咩都一句撻埋去:「走開啦你!」而最近嗰集更開口夾着脷,直言魚檔劏魚「每日賺嗰260蚊一斤」,話剝蝦曬蝦乾係自甘墮落,結果咪俾網民怒插佢刻薄兼睇唔起人囉。

江美儀:節目嘅風格嚟

對於網民嘅指控,江美儀就話一切都係節目嘅風格,Andrew嘅角色設定係下把位,專俾佢哋恰。佢又指鏡頭背後幾位主持好錫Andrew,覺得佢好有禮貌同好尊重人。至於講嘢over晒又點睇呢?佢就話意思唔係咁解,係想突出呢份工作嘅辛勞:

我哋呢啲吃喝玩樂,麻雀耍樂,點會做呢啲,而家就自甘墜落,對我嚟講係辛苦,隻手指真係痛架。隻手係咁震,隻手會攰。

▲一句說話激嬲網民,呢句說話的確Over咗,有欠尊重。

陳浚霆:佢係幫我嘅人

江美儀就咁解釋啦,唔知俾人鬧嘅陳浚霆又點睇先?佢就認為一切都係節目效果,知道自己仲係細,係要做下把位,而且自認唔識講太多廣東話,江美儀鬧得佢好啱;至於江美儀嘅「自甘墮落論」,佢認為觀眾冇聽晒成句,所以有誤解,及後佢更大讚江美儀其實係好人,幫佢好多㖭!

美儀姐好照顧我,唔係啲人講到咁差,三位前輩覺得有個後生仔節目豐富啲,美儀姐仲話讀書有書僮,咁行街市都應該有個『街僮』,佢想我有個image,佢係幫我嘅人,唔知點解依家個個插佢?

▲Andrew經常喺節目入面俾江美儀鬧。 

顧紀筠:「惡惡地」係美儀嘅風格

對於囝囝Andrew經常被鬧,作為媽媽嘅顧紀筠又點睇?「顧老闆」認為「惡惡地」係美儀嘅風格,又話自己平時唔會打唔會鬧Andrew,仲多謝美儀幫佢教吓仔,鬧佢都係想袋錢入佢袋。

▲顧紀筠同Andrew好好感情。

麥包:純粹搞氣氛

同樣有份主持節目嘅麥包,接受傳媒訪問時就咁講:

純粹搞氣氛!我哋平時拍足兩日,要剪兩個鐘都唔夠,但節目得半小時,所以只係夠攞精華同得意好玩嘢出嚟。

麥包又指同美儀相識多年,知道對方係點,出嚟效果唔好可能係剪輯問題;佢又指四位主持內外都好好朋友,好團結、好開心。

▲嚟緊會有新一輯《街》,唔知角色設定會唔會有變?


#江美儀#陳浚霆#Andrew#顧紀筠#麥包#街市遊樂團#自甘墮落#e分鐘
相關文章
是非多多 江美儀搬新屋改運
專欄︱幾時講過「有修養」?(林蕾)
開網店賣濕疹番梘 江美儀賺錢不忘慈善
江美儀愛犬番薯包魔咒
我和人仔有個約會
推介文章
【密密食小隊】 足料爆餡大水餃 兩小時刺身火鍋放題
愛老婆會發達
【跟住爸爸去福島】下世要做豬
獨家 王菲霆鋒秘密愛巢曝光
殺出個未來 朱咪咪
唐詩詠痴心錯付 洪永城冧理財女神10年
用愛關懷流浪動物 以暫養為貓狗建立溫暖家庭
有愛就有幸福 四隻開心貓咪的故事
最新郵輪海上zip line 飛越汪洋
台北私家露天溫泉 浸獨家原湯
草苺聖誕麵包布甸
給遺棄動物一個家 令貓狗重拾愛由暫養開始
按此閱讀臉書精彩內容

熱爆e+up


載入中…