米奇老鼠88歲生日! 五大「身世奧秘」揭密

Sat Nov 19 2016 12:35:00 GMT+0800 (中國標準時間)

撰文︰Take it e時

手指得四隻

有留意過米奇老鼠隻手,你會發現佢只係得4隻手指。原來咁係因為華特‧迪士尼覺得老鼠有5隻手指好怪,而且畫少隻手指仲可以慳埋畫畫嘅時間,畫得快啲仲可以慳埋錢㖭!

▲唔留意,真係未必知佢少咗隻手指……

戴住手套同着鞋?

最初嘅米奇老鼠係冇戴手套甚至有時冇着鞋嘅,但因為想米奇老鼠變得人性化,所以最後就幫佢着鞋之餘戴埋手套,咁就見唔到老鼠手同老鼠腳。你又覺得咁樣係咪親民啲呢?

▲其實老鼠手都唔係太難睇吖~

耳仔係圓形

大家都知米奇隻耳係圓嘅,但你又知唔知喺動畫入面,佢隻耳朵原來無論係喺邊個角度望都係圓嘅呢!呢隻耳仔「永遠望住鏡頭」,睇落好似違反物理定律,令人好奇:唔通佢係一個球體?

▲就算個頭打側咗,耳仔都會對住鏡頭。

前身係兔仔?

如果有睇過迪士尼早期動畫,你可能對一隻叫「幸運兔奧斯華」嘅卡通明星有印象。但因為同環球影業同迪士尼後來喺奧斯華嘅版權問題上鬧翻,所以終止合約之後迪士尼就創作出米奇老鼠作為代替品。兩個角色非常似樣㗎~

▲堅係同米奇老鼠好似樣!

「曳曳」米奇

米奇老鼠俾唔少人嘅印象係善良、開朗,但最初佢其實係又百厭又搞鬼、而且仲幾鍾意惡作劇。佢嘅形象後來變得愈嚟愈正面,真係可以話係「曳仔變好仔」呀!

▲以前嘅米奇雖然「曳」啲,但趣怪表情亦都更加多!

圖片來源:Disney

#米奇老鼠#生日#身世#迪士尼#熱話#TakeItE時

相關文章
小智mix米奇老鼠 童年回憶崩壞實錄
【今日聽真D】講嘢太高音變爆粗? 米奇老鼠:捉晒啲X街!
生日免費嘆 機場全新貴賓室食雞蛋仔
70歲牛一收錫錫 阿姐High爆唱《熱咖啡》
林夏薇29+1生日 老公安排驚喜遊艇P

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x