網民心目中的《矛盾旅行》 安德尊、李錦聯榮膺最佳組合

Thu Apr 07 2016 11:30:25 GMT+0800 (中國標準時間)

撰文︰Take it e時

ViuTV喺4月6日就正式開台,換句話說,觀眾期待已久嘅《跟住矛盾去旅行》亦開始放映。好唔好睇呢就唔知啦,不過網民就好期待7集放映之後,會唔會添食?咁如果添食又搵邊pair矛盾人士去旅行呢?冇心水嘅話,不如睇下網民嘅選擇。

安德尊 vs 李錦聯

自從安德尊喺《都市閒時之今晚食乜餸》環節入面,經常與李錦聯師傅「開戰」,呢對冤家兄弟已經成為網民心目中最矛盾嘅組合。見親兩個一齊主持節目,例必開火兼句句都有骨。係真火定演戲,睇嚟只有佢哋先知,不過網民就係鍾意佢哋互寸時產生而來嘅火花!

▲安德尊與李錦聯「開戰」片,一度令《都市閒情》成為觀眾追看節目。

謝賢(四哥) vs 曾江

當日四哥當住傳媒面前怒摑曾江呢件事,早已令觀眾認定二人之間係有矛盾。雖然四哥同曾江喺拍《四個小生去旅行》時,已經一齊去過旅行,不過嗰時二人未鬧不和,加上又有胡楓同Joe Junior同行,效果始終唔同嘅。

▲唔知四哥肯唔肯再一次同曾江去旅行呢?

陶傑 vs 蕭若元

陶傑同蕭若元兩位屬不同派系嘅政壇人物,經常隔空開火已是常識吧?前者喺自己有份主持嘅《光明頂》到寸爆對方;後者亦會喺個人節目《蕭遙遊》度數臭對方,簡直係撈亂骨頭,每每罵戰一出,網民例必要食花生,所以如果搵兩位一齊去旅行,火花程度肯定俾蔣麗芸配林日曦更加有睇頭!

▲陶傑同蕭若元經常隔空開火!

陳冠希 vs 謝霆鋒

陳冠希同謝霆鋒識於微時。做個同學、做過同事、一齊合作過拍劇,都算係稱兄道弟嘅好友。但無奈色字頭上就有一把刀。因為陳冠希艷照一事涉及謝霆鋒老婆張柏芝,因而令二人關係破裂。由兄弟變成襟兄弟,都咪話唔大穫。雖然謝霆鋒表示,從來無嬲過陳冠希,但網民不時拎出嚟開玩笑。

▲2004年,二人曾於王晶執導嘅電影《新扎師兄》合作。

方力申 vs 葉璇

2004年8月無綫電視雅典奧運直播時,方力申疑似被同為主持嘅葉璇搶白,於是黑住臉回應咗一句:「跟住你寸我吖嘛!」,但當時係直播時段,結果全香港人都睇住方力申點樣黑面再變面,12年過去依然繼續俾網民恥笑。雖然唔知雙方仲記唔記得呢件事,但假若日後再度同場嘅話,相信會成為一時佳話。

▲究竟當年葉璇講咗啲咩令方力申咁燥呢?

G.E.M VS 胡杏兒

G.E.M.喺15歲時,喺網上數臭為拍劇而變「肥杏」嘅胡杏兒,係「最賤最樣衰最唔識做戲最乞人憎嘅演員」,更話如果06年無綫頒獎禮俾個女主角獎胡杏兒,就會即刻打爛部電視。好在當年最後係佘詩曼得獎,電視機先可以得以保存性命!後來搖身一變成為歌手嘅G.E.M.被網民起底而發現呢篇文章,直到今時今日仍然俾網民恥笑。

▲G.E.M.曾經公開解畫,話自己鐘意鍾嘉欣,而當時其對手係胡杏兒,所以先會數臭對方。

楊思琦 vs 李家鼎

楊思琦同李家鼎本身就冇乜關係,但思琦妹同鼎爺個細仔李永豪就有好大關係啦,話晒都同對方拍咗拖成9年,但最後突然俾思琦妹單方面宣布分手,更傳出思琦妹懷有第三者骨肉。結果身為豪仔老豆嘅鼎爺,直斥對方貪錢講大話,更講到爆晒粗。所以,搵兩個唔妥對方嘅人去旅行,絕對係大把火花!

▲如今思琦妹單親媽媽,但骨肉係邊個仲未知。

楊怡 vs 胡定欣

喺不同時期上位嘅無綫花旦,結怨於五年前嘅《萬千星輝頒獎典禮》。當年楊怡坐喺胡定欣隔離,當鏡頭捕捉住二人嘅時候,就見到楊怡撞膊兼藐爆胡定欣,更不屑地避開對方同另一邊嘅徐子珊傾偈,貌似恥笑胡定欣,相反胡定欣只係瞄咗一瞄,處變不驚。其後兩批粉絲喺微博互鬧㖭!

▲五年前《萬千星輝頒獎典禮》楊怡在鏡頭前撞膊兼藐爆胡定欣,畫面歷歷在目。

唔知你仲諗起邊啲矛盾組合呢?


#跟住矛盾去旅行#矛盾組合#楊怡#胡定欣#大王#安德尊#李錦聯#GEM#胡杏兒#陶傑#蕭若元#楊思琦#李家鼎#李永豪#曾江#謝賢#四哥#方力申#葉璇#陳冠希#謝霆鋒#張柏芝#TakeItE時#熱話

相關文章
戴夢夢《矛盾》被讚識做人 網友忽然「爆大鑊」
香港真人騷同大陸差太遠? 苑瓊丹:揀《爸爸》都唔揀《矛盾》
網友狂插作狀ABC腔 連詩雅女神變港女
【娛圈好知己】力撐連詩雅英文叻 周柏豪:「我好鍾意佢!」
【收視戰】連詩雅葉蘊儀聯手 大戰《關西》杜如風

推介文章
【挑辣星極辣挑戰賽】星級參賽者鬥食辣Laksa辣魚蛋
宣萱 有要求的人
豪宅同居年半 譚凱琪有米男友求婚成功
當張繼聰係菩薩 Bob:抵佢溝到謝安琪
唐詩詠狠斬2年情 踢洪永城7宗罪
專屬情人 林文龍
撬林耀聲牆腳 方力申暗溝張沛樂
科技融入生活 體驗空間美學
同時溝兩港男 陳展鵬新女友雜食
楊明 把握時機
1O1O呈獻:星星美食旅客 -東京中華料理之最高
聯名買將軍澳樓 蕭正楠黃翠如同居試婚
按此閱讀臉書精彩內容

熱爆e+up


載入中…
x