網民搞《鋼鍊》真人版選舉  王祖藍鄧一君爭做主角

Wed Apr 20 2016 16:20:31 GMT+0800 (HKT)

撰文︰Take it e時

一套被高登仔比喻為神級動漫作品嘅《鋼之鍊金術師》有傳會拍真人版,不過就只限日本,而高登仔就覺得香港嘅演員其實都好有潛質,於是就舉辦咗一個「鋼鍊」香港真人版選舉,由一眾高登仔選出最合適嘅角色,有部分真係Perfect Match!以下就揀咗幾個啱心水嘅出嚟!

1.愛德華(王祖藍,鄧一君)

愛德華係「鋼鍊」主角,當然要搵番一個真係似嘅人嚟做喇!不過有一樣嘢係比較難去揀,就係身高,要搵一個身高同愛德華差唔多嘅,高登仔就推舉王祖藍同鄧一君出嚟選,完全符合條件喎!不過身高過關都要睇個樣似唔似,呢方面王祖藍就輸俾鄧一君少少喇!鄧一君成個神態都同愛德華差唔多,係個髮型唔同啫。

▲鄧一君比較似主角愛德華,不過佢已經冇再係娛樂圈發展。

2.艾爾凡斯(吳業坤)

艾爾基本上都係着住一套盔甲做戲,高登仔唔知係唔係睇中呢一點,第一時間諗起扮過棋嘅吳業坤,話晒扮過棋應該有經驗,可以挑戰艾爾一角。

▲艾爾由坤哥嚟做都幾啱喎!

3.萊·馬斯丹(王浩信,方力申)

《鋼鍊》另一個主角馬斯丹就由王浩信同方力申兩人之爭,王浩信暫時比較多人認同。

▲網民揀王浩信嘅原因,係佢近期演出幾好,所以揀佢喎。

4.大總統(劉丹,林子祥)

大總統都算係一個Boss,當然要搵一個重量級人物嚟做,高登仔首選叉燒炳劉丹,林子祥就係次選,兩人都有一道氣牆。

▲感覺上叉燒炳係似少少,好有嗰個氣勢。

5.桂杜尼(林盛斌)

人做人桂杜尼由阿Bob做就入型入格,高登仔仲話呢個角色基本係為佢而設。

▲Bob等於桂杜尼,實至名歸。

6.賴斯黛(鄧萃雯)

又係一個Perfect Match嘅角色,鄧萃雯曾經着過一條黑色嘅長裙,同賴斯黛嘅人物造型一樣。

▲呢個就堅似喇,高登仔仲改埋圖,加個印證上去,Perfect Match呀!

7.修茲(石修)

估唔到石修除咗似《火影忍者》嘅猿飛阿斯瑪,連《鋼鍊》嘅修茲都似喎!

▲話石修係cosplay王都幾啱!

咁當然仲有好多角色嘅,高登仔都努力搵緊,大家有咩心水都可以留言同大家分享。

圖片來源:高登討論區,網上圖片

#鋼之鍊金術師#真人版#王祖藍#鄧一君#吳業坤#王浩信#方力申#劉丹#林子祥#林盛斌#鄧萃雯#石修#TakeItE時#推介#熱話

相關文章
山田涼介拍真人版《鋼鍊》  你話似唔似?
真人版《鋼鍊》出預告 得山田涼介現身
傳《寵物小精靈》拍真人版 網民:港男小智係機會
比卡超20週年真人版廣告 再掀小精靈訓練員熱潮
王祖藍 李亞男 微妙夫妻

推介文章
當張繼聰係菩薩 Bob:抵佢溝到謝安琪
唐詩詠狠斬2年情 踢洪永城7宗罪
專屬情人 林文龍
撬林耀聲牆腳 方力申暗溝張沛樂
科技融入生活 體驗空間美學
同時溝兩港男 陳展鵬新女友雜食
楊明 把握時機
1O1O呈獻:星星美食旅客 -東京中華料理之最高
聯名買將軍澳樓 蕭正楠黃翠如同居試婚
1O1O呈獻:星星美食旅客 - 兩大貼地必吃餐廳
汪明荃 不言休
1O1O呈獻:星星美食旅客 -食日本好「西」
按此閱讀臉書精彩內容

熱爆e+up


載入中…
x