《美人魚》五洲震盪版海報曝光 星爺籍海報向毛澤東致敬

Sun Dec 27 2015 18:15:00 GMT+0800 (中國標準時間)

撰文:Take it easy

以前講起美人魚,大部份人可能會諗起迪士尼嗰套《小魚仙》,但嚟到2015年,美人魚喺大家眼中,可能已經漸漸被星爺嗰套3年磨一劍嘅《美人魚》取代。只要你喺google search 「美人魚」加個空隔,首先彈出嘅關聯字就係周星馳,可想而知周星馳嘅魅力有幾大,而星爺亦係海報上明示出,佢嗰套《美人魚》,係同以往我哋所認知嘅美人魚係大有不同,更籍海報向毛澤東致敬。

▲詩句出自毛主席著作《滿江紅·和郭沫若同志》

電影就喺大年初一先上映,但宣傳活動已經一浪接一浪,繼早前推出首款名為「四海翻騰」海報及「興風作浪」預告片之後,近日又推出另一款叫「五洲震盪」版嘅宣傳海報。

咩叫五洲震盪?其實呢句係呀毛主席嗰本著作《滿江紅·和郭沫若同志》入面其中一句詞:「四海翻騰雲水怒,五洲震盪風雷激。」是咁的,早已成為政協嘅星爺自稱好祟拜毛澤東,以前阿星媽日日都會唱毛主席首《蝶戀花》,旁邊嘅星爺自不然受影響聽埋一份,仲令佢唔止睇俄國戲劇理論大師史坦尼斯拉夫斯基嗰本《演員的自我修養》,仲會研究埋毛主席嘅詩詞。

▲《喜劇之王》其實中一幕

雖然呢句詞有好深層次嘅意思,但唔需要喺到詳談,同樣星爺都係咁諗。當記者問佢點解要將呢句詞提在報海上面,星爺霸氣表示:

「呢句詩係我座右銘嚟,但我唔係好知點解會用上呢一句,你唔覺得好襯咩?簡單啲講即係好『牛』,同電影係絕襯。」

牛?係咪即係大陸用牛逼?星爺表示:「牛即係無敵,呢部《美人魚》係一部無敵電影,關於一個無敵故事。無敵代表空虛、寂寞,你哋啲凡人可能唔明。只要睇完呢個寂寞故事,你就唔寂寞啦。」

嘩,好玄呀。雖然講唔出咩大道理,但聽完好似好有親切感呀,有返啲星爺以前嘅風格同味道,即係一樣咁無厘頭呀。

▲美人魚全身照

講返呢個「五洲震盪」海報,終於見到「主角」美人魚出場,但就冇咗以往認知美人魚係雅儒優美嘅姿態,反而兩旁嘅巨浪為中間嘅增添一種霸氣同澎湃感覺,靚唔靚,正唔正,真係見仁見智啦。除海報之外,星爺喺片場監督同親自試戲嘅照片亦一同曝光。

▲全神貫注喺一樣嘢上面嘅男人係好Charm好型

雖然好多人話全神貫注喺一樣嘢上面嘅男人係好Charm好型,但喺今時今日嘅星爺對香港人嚟講,就算佢幾專注都好,都難以吸引香港人。

▲早已將重心投放在大陸市場

▲聽說星爺對演戲者有極高要求

▲周星馳與演員對戲

當你望到星爺後面一眾都係內地演員時,就知道點解星爺係香港嘅魅力,漸漸由神枱位置一直一直下降,相反喺大陸市場,不斷不斷咁上升。


#周星馳#美人魚#毛澤東#熱話

相關文章
差啲說服到星爺出鏡 林子聰:佢初時有啲心軟
金像獎提名公布 《七月與安生》獲12項提名勝星爺
昔日星爺嘅黃金拍檔 吳孟達:仲有機會合作
羅家英一出 周星馳冇聲出
飲酒夜蒲俾徐克寸 周星馳好失威

推介文章
當張繼聰係菩薩 Bob:抵佢溝到謝安琪
唐詩詠狠斬2年情 踢洪永城7宗罪
專屬情人 林文龍
撬林耀聲牆腳 方力申暗溝張沛樂
科技融入生活 體驗空間美學
同時溝兩港男 陳展鵬新女友雜食
楊明 把握時機
1O1O呈獻:星星美食旅客 -東京中華料理之最高
聯名買將軍澳樓 蕭正楠黃翠如同居試婚
1O1O呈獻:星星美食旅客 - 兩大貼地必吃餐廳
汪明荃 不言休
1O1O呈獻:星星美食旅客 -食日本好「西」
按此閱讀臉書精彩內容

熱爆e+up


載入中…
x