翠如BB老竇係行政總裁 娛圈仲有邊位隱形富二代?

Wed Apr 13 2016 07:20:50 GMT+0800 (中國標準時間)

撰文︰Take it e時

娛圈中好多藝人明星富二代或官二代出身,當中亦不乏一啲並非出身自富二代家庭,但家中極為有錢嘅明星。平日極為低調嘅佢哋分分鐘都係一位隱形富豪!黃翠如就係其中一位。

▲估唔到原來翠如BB老竇咁有勁!

TVB當家花旦黃翠如近來人氣高升,今早佢同男友蕭正楠(Edwin)現身港交所。何謂何事?之唔係翠如BB嘅老竇間公司上市囉!有所不知,原來土木建築工程分包商聯旺集團(08217-HK)嘅創辦人、大股東兼行政總裁,正正就係翠如BB嘅老竇黃永華!

▲翠如BB大讚老竇叻仔!

消息傳出,好多網民都估唔到,事關翠如BB自言一向慳家,而且細細個家境唔好,令佢好珍惜擁有嘅嘢。咁翠如BB的確冇講大話喎,因為佢喺Fb祝賀爸爸上市嘅post到,簡單回顧爸爸嘅辛酸:

老爸由賣魚小販做到地盤工人,由手板被冰壞到腳板被地盤釘刺穿,苦了很多很多年,前幾年老爸說要退休,我第一個舉腳贊成,然而,他卻沒有停下來,今天是爸爸的大日子,不再是你為我們驕傲,而是我們為您驕傲,老豆(竇),好叻仔。

過去係點唔重要,依家有錢咪得囉!

其實除咗翠如BB之外,圈中都有唔少藝人,其實你估唔到原來佢哋咁豐厚家底。

陳慧琳-珠寶巨頭千金

已為人妻嘅陳慧琳,其父陳崇偉來頭一啲都唔惹少,事關陳父係從事珠寶商,經營"聚寶行",擁有多間珠寶店,身家幾十個億,但為人極為低調,產業甚少被曝光,係城中隱形富豪之一。

▲陳慧琳父親係隱形富豪。

周國賢-海味店太子爺

周國賢家族經營海味生意,喺上環有開設海味店,故周國賢亦有「鮑魚王子」之稱。幾年前,周國賢曾經因事業低滯不前而放下結他,返海味店跟家人學做生意,但兩年時間過去,發現自己唔係做生意材料,音樂先係自己最鍾意做嘅事,最後亦重踏音樂之路。

▲當日放棄音樂,如今重新出發。

▲傳聞安德尊真係好有錢㗎!

除咗以上兩位,仲有唔少為人熟悉嘅富二代㗎,例如鄭中基、林峰等等。而聽聞有「禾稈冚德尊」之稱嘅安德尊都係一位有錢之人嚟,手上有幾幅新界地皮,身價有成十幾億!出身官二代嘅王梓軒,老竇係香港藝術發展局主席王英偉嘅王梓軒,有唔有錢就唔知啦,但至少有錢過你同我囉!

唔知你又知道邊啲鮮為人知嘅富二代藝人呢?

圖片來源:黃翠如facebook

#黃翠如#陳慧琳#周國賢#安德尊#家族#富二代#黃永華#TakeItE時#娛樂

相關文章
一聽合作嗌好悶 黃翠如嫌棄洪永城
被彈《使徒2》戲屎 黃翠如演技真係咁差?
黃翠如結婚 農夫請纓做MC
率先爆麥明詩做臥底 黃翠如自爆身份遇險
麥美恩獻濕吻 阿Bob:我唔想㗎老婆

推介文章
狗年戀事驚人預測 王菲終嫁霆鋒 陳嘉倩BB竟然……
古天樂陳豪有勁敵 猜Fing講國語冇句聽得明
《溏心3》搞笑!Bosco細31年做司棋姐細佬
網民同推做視帝 王浩信馬明你揀邊個
大人細路爭住玩室內賽車場
【日本賞楓新角度】 鳥取坐滑雪吊車睇秋色
3招健胸操
【撐小店】希望在明天
鄭丹瑞寸麥美恩:麥明詩十優,你久休!
【孖你做瑜伽】 中級雙人背部伸展
【孖你做瑜伽】 搵個partner幫你輕鬆拉筋
【跟住爸爸食燕窩】唔使一嚿水 燕窩食滿咀
按此閱讀臉書精彩內容

熱爆e+up


載入中…
x