舊愛男神俾面現身 鄭中基演唱會碌盡人情請嘉賓

Tue Jan 31 2017 13:04:12 GMT+0800 (中國標準時間)

仲記得早幾年鄭中基喺金像獎典禮上講,放低咗自己最叻嘅歌唱走去拍戲,但觀眾從來冇忘記佢係歌手嘅身份,喺尋晚(初三),鄭中基順利完成最後一晚加場演唱會,歌迷當然聽出耳油,而「暴龍哥」咁耐冇喺呢度開演唱會,當然碌盡人情牌,請好多有級數嘅嘉賓助陣,有杜汶澤、陳慧琳、林敏驄、梁詠琪、吳君如、LMF等等,連舊愛楊千嬅都請得郁,尋晚encore環節更有「男神」黃子華登場㖭!

杜汶澤

年三十晚阿澤擔任表演嘉賓,一嚟就表示好耐冇做演唱會嘉賓,對上一次已經係容祖兒,但嗰次阿澤過份抽水搞到同祖兒不歡而散,不過鴞暴龍哥面前,有咩水唔抽得呀?最後2人合唱《天各一方》,唱到尾聲時2人更拖手,暴龍哥仲向阿澤示愛講我愛你,但阿澤就潑冷水:「我麻麻哋﹗」場面爆笑。

▲阿澤自嘲買唔到飛,惟有去打工,喺後台搏聽少少。

楊千嬅

楊千嬅曾經係鄭中基嘅舊愛,但就算再見亦都係朋友。一出場,千嬅先同Ronald合唱《製造浪漫》,場內氣氛即時高漲,及後兩人傾偈時,千嬅更潤Ronald:「我想知點解你咁大膽搵我?」不過千嬅都讚Ronald,話欣賞佢嘅努力,仲話記得要「還人情」,寫「最好嘅歌」俾佢。最後二人嚟個世紀相擁完場。

▲再見係朋友定不是朋友?睇你點睇啦。

▲陳慧琳

Kelly同鄭中基合唱嗰首《製造浪漫》相當經典,但Kelly喺台上表示,當時自己剛喺台灣開拓市場,但對方已經喺台灣好紅,而就係呢首歌令Kelly成功喺台灣發圍,所以好感謝對方幫助,全靠佢帶起自己,仲話以後去到邊都會支持Ronald咁話!

▲kelly話突登唔出去外遊,都要嚟做嘉賓。

黃子華

雖然子華都有唱過歌,但佢最叻都係講嘢,而紅館呢個台佢更加唔陌生。尋晚(初三)佢喺encore環節出場,唱歌之餘仲不忘即場「篤棟笑」,用特別方式讚Ronald。

歌手要有形象,你冇見過張學友食臘味唱《每天愛你多一些》,張國榮食牛雜唱《風繼續吹》,但鄭中基食過牛歡喜,一個食過牛歡喜嘅人點可以唱情歌呢?任何人都唔咁樣可以食過牛歡喜再唱情歌,只有鄭.中.基。

▲最後黃子華都有唱番首,但係就走晒音....

鄭東漢、余思敏、囡囡

最特別嘉賓,當然係鄭中基嘅家人,爸爸鄭東漢出嚟同阿仔夾Band、一對仔女Emma和Evan亦跟住出場,三代同堂,最後老婆亦上埋台,同Ronald情深對話:「唔好介意結果,最重要享受過程,就算冇觀眾,我都會坐喺台下聽住支持。」難怪聽完Ronald都眼濕濕。

▲兩父子同台演出。

唔知你最鍾意又係邊對嘉賓呢?

圖片來源:eason5、ig、微博

#鄭中基#演唱會#鄭東漢#黃子華#楊千嬅#嘉賓#杜汶澤#陳慧琳#e分鐘

相關文章
《警訊》加插惡搞元素 杜汶澤、鄭中基寸爆:睇唔落
金像獎向曾俊華偷師 薯片叔叔:支持香港電影
專欄︱與前度的友誼(林蕾)
與鄭中基離婚不是朋友 阿Sa搬入3千萬姑婆屋
寄語鄭中基唔好放棄音樂 阿澤:佢肯再唱會令好多人開心

推介文章
【挑辣星極辣挑戰賽】星級參賽者鬥食辣Laksa辣魚蛋
宣萱 有要求的人
豪宅同居年半 譚凱琪有米男友求婚成功
當張繼聰係菩薩 Bob:抵佢溝到謝安琪
唐詩詠狠斬2年情 踢洪永城7宗罪
專屬情人 林文龍
撬林耀聲牆腳 方力申暗溝張沛樂
科技融入生活 體驗空間美學
同時溝兩港男 陳展鵬新女友雜食
楊明 把握時機
1O1O呈獻:星星美食旅客 -東京中華料理之最高
聯名買將軍澳樓 蕭正楠黃翠如同居試婚
按此閱讀臉書精彩內容

熱爆e+up


載入中…
x