舒淇馮德倫結婚最爆 2016娛圈喜事回顧 

Sun Dec 04 2016 10:30:17 GMT+0800 (中國標準時間)

撰文︰Take it e時

2016年又就嚟完結啦,今年嘅娛樂圈真係好多喜事呀,唔少藝人都搵到自己嘅真愛拉埋天窗,有啲呢就,就大方承認結婚,有啲呢,就唔聲唔聲嚇你一驚喎!不過都係開心事嚟嘅,一齊回顧下今年有邊個結婚啦!

楊怡羅仲謙

羅仲謙與楊怡拍拖五年,3月喺英國肯特郡利茲普城堡註冊結婚,10月仲喺香港辦喜酒,唔少圈中藝人都有嚟恭喜一對新人,排場仲勁過台慶呀!

▲羅仲謙與楊怡拍拖五年,中間經歷唔少難關,最終開花結果。

楊愛瑾郭永淳

31歲嘅楊愛瑾,同永安集團太子爺郭永淳拍拖8年,今年兩人正式拉埋天窗。就算中間經歷「小三」事件,但都冇影響到兩個人嘅感情。最近楊愛瑾仲宣布懷孕,不知幾幸福呀!

▲楊愛瑾同老公拍拖8年拉埋天窗,最近仲宣布懷孕㖭!

宋熙年陳智燊

宋熙年同陳智燊呢對金童玉女,拍拖7年一直都非常恩愛,成日齊齊拍片放上社交平台晒甜蜜,今年兩人喺英國舉行婚禮,正式成為兩公婆啦!

▲唔少人都戥呢對金童玉女開心。

舒淇馮德倫

數到最爆嘅,一定係舒淇同馮德倫呢對啦!兩位一直都冇承認過戀情,點知兩個人去到外地拍戲嘅時候,竟然跑咗去結婚,仲喺網上發表結婚啟事,搞到全城哄動呀!

▲兩人相識20年相戀4年,最後修成正果!

周柏豪Stephanie Chu

同柏豪拍拖10年嘅圈外女友Stephanie Chu,一直喺做柏豪身後嘅「周太」,而喺上個月,兩人秘密喺布吉舉行婚禮,搞到唔少柏豪迷心碎呀。

▲女友對自己一直不離不棄,周柏豪當然錫到佢燶啦。

熊黛林郭可頌

熊黛林和郭可頌拍拖一年幾,就認定對方係終生伴侶,兩個人喺今年簽紙拉埋天窗,正式成為夫妻呀!

▲熊黛林認定對方係終生伴侶,仲大爆係即興結婚㖭!

圖片:網上圖片

#舒淇#馮德倫#結婚#最爆#2016#娛圈#喜事#回顧#TakeItE時#熱話
相關文章
難得開口承認戀情 黎明:最欣賞舒淇
e衫評 王君馨老咗十年 舒淇玫瑰累事
金馬影帝影后爆冷 舒淇被爆疑懷孕
嬌俏嗲聲冧網民 舒淇二創PPAP
中秋返港慰舒淇 馮德倫聞生B:得㗎喇!
推介文章
開心快活人
劉華墮馬盆骨重創 朱麗倩緊張爆喊
【密密食小隊】 足料爆餡大水餃 兩小時刺身火鍋放題
愛老婆會發達
【跟住爸爸去福島】下世要做豬
獨家 王菲霆鋒秘密愛巢曝光
殺出個未來 朱咪咪
唐詩詠痴心錯付 洪永城冧理財女神10年
用愛關懷流浪動物 以暫養為貓狗建立溫暖家庭
有愛就有幸福 四隻開心貓咪的故事
最新郵輪海上zip line 飛越汪洋
台北私家露天溫泉 浸獨家原湯
按此閱讀臉書精彩內容

熱爆e+up


載入中…