花曼結局戲份被刪 《城寨英雄》爛尾收場? 

Mon Aug 29 2016 11:10:36 GMT+0800 (中國標準時間)

撰文︰Take it e時

《城寨英雄》由最初捲入涉抄事件,到後期劇情高潮迭起,贏口碑贏埋收視,即使配角演員都獲網民大讚,Tvb真係贏返唔少分數,但可惜虎頭蛇尾,結局萬變不離其中,劇情有不合理由之餘,仲要cut走網民最想睇嘅部份,頓時間由神劇變膠劇。

膠位一:拳佬特別方法搵罩門,向星爺致敬?

話說Final boss楊竹鑾(歐瑞偉飾)練成金鐘罩,其罩門可游走全身,形成金剛不壞之身,所以幾層樓跌落地下兼頭落地依然乜事都冇。要攻破必先搵出罩門,咁就要靠拳佬(陳展鵬飾)嘅心眼,但無奈拳佬嗰刻心太亂搵唔到,呢個時候刁蘭(胡定欣飾)竟然以激吻令拳佬冷靜落嚟,估唔到個心冇亂之餘,真係平靜落嚟,弱視嘅佢仲有埋「X光眼」搵出罩門,估唔到呢個吻嘅威力咁強勁!

▲當泰婆同牙佬同砵仔糕佬打到你死我活時,刁蘭同拳佬喺另一邊互錫,畫面都咪話唔搞笑。

▲網民話呢一幕係向星爺嘅《賭俠》致敬。

膠位二:楊竹鑾智商忽然下降

砵仔糕老闆爆seed時都要爆衫,但比拳佬攻破咗罩門之後,即刻由龍變蟲,見大勢已去,惟有挾持人質要求離開城寨,落荒而逃之際捉住畢得了(林子善飾),但當時已被重重包圍,拳佬即刻主動同畢不了交換作人質,楊竹鑾竟然答允!挾持人質緊係挾持唔識功夫或者最弱嗰嗰個,有乜理由會揀最好打嗰個拳佬?喂,大佬,人哋啱啱打爆你個罩門,而最好笑係楊竹鑾反抗時,畢得了輕鬆反壓制對方,忽然武功升LV!

▲估唔到楊竹鑾答應喎!

▲清楚睇到畢得了喺後方箝制住楊竹鑾。

網民不滿地方:花曼戲份被刪

劇集死咗咁多人,網民都喊晒口話編劇狠心,觀眾希望結局時可以見一見返貓仔、花曼以另一種方式出現。飾演花曼嘅王君馨早已喺IG透露結局會有佢「翻生」嘅一幕戲,但疑似為咗趕完場收工而cut 咗,搞到網民起勢問:「花曼呢!?」冇計啦,啲時間留晒俾刁蘭同拳佬嘛。事後王君馨喺IG發相,表示自己最鍾意嗰幕戲被cut,但朝霞與段迎風心永遠在一起!不過網民就點都希望見一見返花曼,同袁偉豪有個美好ending囉!

▲王君馨喺IG表示自己戲份冇咗。

▲唔少網民都好想睇花曼。

▲同樣網民都想貓仔出返嚟見柯殊殊。

唔知你又點睇?

圖片來源:王君馨、劉佩玥IG

#城寨英雄#陳展鵬#袁偉豪#胡定欣#王君馨#伍允龍#劉佩玥#元秋#歐瑞偉#牙佬#拳佬#刁蘭#花曼#楊竹鑾#結局#TakeItE時#即時

相關文章
Google十大熱爆電視節目 《太陽》奪冠《城寨》第二
王君馨 十年苦幹
胡定欣最多產 有望成視后大熱
傳撻着陳展鵬一個月 胡定欣:任何人都有機會
牙佬拳佬玩斷背? 《城寨英雄》驚變同性題材

推介文章
我們的時光 Twins
狠飛太極Ricky 戴夢夢澳門攬佬
舌戰7女星談情說性 黃浩被阿嬌KO
一個人  湯寶如
玩交友App識男仔 麥明詩約俊男high tea
翻新暫別街坊六星期 公和荳品:凡事向好方面看
洗米華大仔周柏豪:同爸爸溝通唔係太多
《警訊》被插拍得浮誇 堅哥反擊:咁係咪佢自己好醒呀?
陳自瑤怨老公少返屋企瞓 王浩信婚姻現暗湧
【挑辣星極辣挑戰賽】到底辣王辣后誰屬?
【挑辣星極辣挑戰賽】星級參賽者鬥食辣Laksa辣魚蛋
宣萱 有要求的人
按此閱讀臉書精彩內容

熱爆e+up


載入中…
x