花邊事多過運動消息 歐鎧淳:希望留意返比賽

Wed Aug 10 2016 13:28:17 GMT+0800 (中國標準時間)

撰文︰Take it e時

獲外國傳媒封為「東方維納斯」嘅香港女泳手歐鎧淳,經連日傳媒報道後,佢嘅粉絲數目大幅上升,人人都大讚佢有仙氣,更有傳媒對佢大起底,男朋友、家人嘅相統統曝光,但人怕出名豬怕肥,唔係人人都鍾意成為花邊新聞嘅焦點,尋晚歐鎧淳喺Facebook表達自己感受,直言希望網民更關注游水項目。

▲歐鎧淳希望大家放佢一馬,留意返運動員本身嘅項目。

歐鎧淳喺個人專頁寫下小小感言,話自己「唔明網絡世界嘅遊戲係點玩」,又覺得大家好似「只在乎花邊事多於運動員同項目本身」;不過佢都明白大家鍾意「食花生」,但同時希望大家食完花生後,會「留意返報導返share返」運動員相關嘅項目,仲話自己只係想游水。

▲因代表香港擔任持旗手而獲傳媒稱為「最美持旗手」。

其實歐鎧淳有咁嘅感覺絕對正常,因為佢哋係運動員而唔係明星,最想別人留意係佢哋喺場上嘅努力奮鬥,而唔係一啲娛樂花邊事跡,所以各位讚完歐鎧淳靚之後,就將焦點放返喺佢哋比賽項目上,對佢哋都係一份尊重嚟!嚟緊8月13日上午2點30分,歐鎧淳就會代表港隊出戰4x100混合泳比賽,到時大家就要為港隊加油啦!

圖片來源:歐鎧淳

#歐鎧淳#游泳#關注#東方維納斯#花邊事#港隊#TakeItE時#即時

相關文章
媽咪男友一齊跌落水 「女飛魚」歐鎧淳救邊個?
不愛水球愛棒球 歐鎧淳戀上《點五步》新星胡子彤
飛魚齊撐渡海泳 歐鎧淳展現泳手美態
勁猛鬼自殺勝地? 大埔「消失的泳池」恐怖傳聞
不滿迪士尼加同性戀情節 家長團體:兒童被潛移默化

推介文章
《溏心3》搞笑!Bosco細31年做司棋姐細佬
網民同推做視帝 王浩信馬明你揀邊個
大人細路爭住玩室內賽車場
【日本賞楓新角度】 鳥取坐滑雪吊車睇秋色
3招健胸操
【撐小店】希望在明天
鄭丹瑞寸麥美恩:麥明詩十優,你久休!
【孖你做瑜伽】 中級雙人背部伸展
【孖你做瑜伽】 搵個partner幫你輕鬆拉筋
【跟住爸爸食燕窩】唔使一嚿水 燕窩食滿咀
最叻星二代 倫子譚曉風攬女示眾
活在當下 曹永廉
按此閱讀臉書精彩內容

熱爆e+up


載入中…
x