《英雄內戰》新角色出場 美國隊長有可能會死?

Sat Mar 12 2016 13:52:49 GMT+0800

撰文︰Take It e時

荷里活Marvel大片《美國隊長3之英雄內戰》將會喺4月尾上畫,最近又推出新一段預告片,引來注目;預告片尾仲出現久違了嘅蜘蛛俠,令到大家入場睇戲嘅意慾大增!不過關於呢套戲,仲有好多潛藏嘅秘密,唔知大家又知唔知?

▲今集會有新英雄登場。

(1)新英雄-黑豹

今集主要講「復仇者聯盟」因為早前嘅戰鬥造成太大破壞,被政府嘅「英雄法案」立法管制,美國隊長同鐵甲奇俠企喺相反立場,搞到要分開兩大陣形打餐飽。

英雄空群而出,當然好熱鬧,除咗有《復仇者聯盟2》先出場嘅幻視同緋紅女巫,以至係蟻人,更加有觀眾從冇見過嘅角色,佢就係黑豹(Black Panther)。

▲黑豹造型都幾型。

有報導指黑豹喺電影入面唔會幫任何一面,而係保持中立,咁佢有咩來頭?佢係一個Marvel漫畫世界1966年就有嘅英雄角色,據說係非洲一個虛構國家嘅狼族族長(好似好型),佢真名叫T'Challa,由於係族長,獲得咗狼神加護,因此有極為敏銳嘅五感、體力、智力。睇個外型都幾勁,唔知有幾好抽呢?

▲呢個新壞蛋Crossbone個造型就好似有少少低成本。

(2)未出場嘅壞蛋

預告片冇現身,但官方都有公布過,戲入面會出現兩個未出現嘅壞蛋,包括Crossbone同埋Baron Zemo,前者係反派組織九頭社放喺神盾局嘅二五雞,後者係九頭蛇新幹部。不過兩個都好似唔係好勁(睇資料都係識啲科技同埋打交叻小小),因為今集主要係講班英雄自己友打自己友嘛。

▲另一壞蛋Baron Zemo亦唔見得有幾好打。

(3)美國隊長有可能會死?

上次《復仇者聯盟2》都有Quick Silver被殺,今次英雄內戰,唔知會唔會有英雄死呢?其實根據原著漫畫,美國隊長同鐵甲奇俠打到天昏地暗,打打下當美國隊長佢哋就打贏嘅時候,先發覺自己真係對身邊嘅環境造成破壞,美國隊長明白到自己真係錯咗,準備自首,正當警察拉佢去接受審訊時,隊長被暗殺,呢個就係美國漫畫史上其中一個最受歡迎嘅系列《美國隊長之死》。

▲漫畫入面,美國隊長死咗後,鐵甲奇俠非常內疚後悔。

嗱,漫畫劇情未必會完整搬去電影,所以我哋唔算劇透㗎!但係如果佢真係死,套戲好似會仲好睇啲喎!

點都好,睇下預告片吊下大家胃口先啦!



#美國隊長#鐵甲奇俠#英雄內戰#Marvel#熱話#TakeItE時#影片

相關文章
蜘蛛俠踩單車?Ironman搭地鐵? 超級英雄現身香港
買定爆谷! 2016必睇西片逐套捉
炒近百人 廸士尼兩間餐廳今日無營業
病童化身Iron Boy救悉尼 東尼史塔克:鐵甲奇俠愛你
短髮冇霸氣? 網民評價雷神新look:好似徐錦江

推介文章
《溏心3》搞笑!Bosco細31年做司棋姐細佬
網民同推做視帝 王浩信馬明你揀邊個
大人細路爭住玩室內賽車場
【日本賞楓新角度】 鳥取坐滑雪吊車睇秋色
3招健胸操
【撐小店】希望在明天
鄭丹瑞寸麥美恩:麥明詩十優,你久休!
【孖你做瑜伽】 中級雙人背部伸展
【孖你做瑜伽】 搵個partner幫你輕鬆拉筋
【跟住爸爸食燕窩】唔使一嚿水 燕窩食滿咀
最叻星二代 倫子譚曉風攬女示眾
活在當下 曹永廉
按此閱讀臉書精彩內容

熱爆e+up


載入中…
x