落雨例必塞車 嚴選最乞人憎公路 

Wed Aug 10 2016 12:25:04 GMT+0800 (中國標準時間)

撰文︰Take it e時

點解落雨會塞車,同點解落雨會冇炒蛋食,都係一個永遠解答唔到嘅難題,不過塞車呢樣嘢,冇分落雨唔落雨,要塞嘅咩天氣都會塞,咁啱撞正落雨,好似今日紅雨咁,塞車是常識吧?香港人對塞車都有一定嘅習慣性,唔知你又覺得以下四條,邊條先係塞車界嘅龍頭大佬?

龍翔道

一入龍翔道深似海,可以話係一條入得去出唔返嚟嘅公路,因為係葵涌/屯門公路入去黃大仙嗰面嘅唯一公路,一塞車幾乎就會癱瘓,尤其係天馬苑嗰頭。

▲龍翔道呢個位又係世界級塞車位。

觀塘道

捱得過龍翔道,亦都要捱過埋另一條例必塞車熱點-觀塘道。入得觀塘或者離開觀塘一定要經過觀塘道,車多就一定㗎啦,加上巴士又多,又要埋站停一停,唔塞先奇啦!

▲入咗觀塘,都可能要塞喺觀塘道。

屯門公路

如果你喺觀塘返屯門,咁你真係唔只過咗初一同十五,直程係過埋成個新年,事關入屯門嘅屯門公路亦係塞車熱點,深井、青龍頭嗰面經常塞死晒,壞車定撞車都好,一塞就有排等。

▲屯門公路塞車是常識吧?

吐露港公路

吐露港係新界另一條主要公路,往九龍方向更加係「兩日一小塞、三日一大塞」嗰種,今朝吐露港公路先發生四車連環相撞,龍尾去到廣福邨,你話出個九龍幾煩呢!

▲一邊塞車一邊欣賞吐露港景色。

▲入開東廊就知東廊有幾塞。

又咁講,塞車都唔係九龍及新界專利,港島區嘅東區走廊都係塞車熱點,不過對比上面幾條塞車路線似乎遜色咗啲,但基本上都係不相伯仲㗎啦!

▲紅隧日塞夜塞。

雖然以上幾條都可以話有力坐喺塞車界龍頭位置,但講到係第一把交椅,同「紅隧」冇得比,「滔滔ly」 lose!


#塞車#落雨#吐露港公路#屯門公路#觀塘道#龍翔道#紅隧#TakeItE時#熱話

相關文章
最短定最快路線? 的士司機塞車大戰港女客
「的哥」懶理勸告照插隊 目擊者:你塞X住成個中環呀
元朗、屯門、天水圍 香港塞車重災區三巨頭
每逢佳節必塞車 九龍塘站多人到似《屍殺列車》
上水塞到忟 行路快過搭車

推介文章
談談情 說說性 董敏莉
LEGO首創VR過山車 今日有得玩
狗年戀事驚人預測 王菲終嫁霆鋒 陳嘉倩BB竟然……
古天樂陳豪有勁敵 猜Fing講國語冇句聽得明
《溏心3》搞笑!Bosco細31年做司棋姐細佬
網民同推做視帝 王浩信馬明你揀邊個
大人細路爭住玩室內賽車場
【日本賞楓新角度】 鳥取坐滑雪吊車睇秋色
3招健胸操
【撐小店】希望在明天
鄭丹瑞寸麥美恩:麥明詩十優,你久休!
【孖你做瑜伽】 中級雙人背部伸展
按此閱讀臉書精彩內容

熱爆e+up


載入中…
x