藍潔瑛火化別紅塵 來世要幸福啊

Thu Nov 15 2018 18:07:46 GMT+0800 (香港標準時間)

撰文︰八八通

藍潔瑛嘅遺體今日進行火化,願安息

「靚絕五台山」嘅藍潔瑛,今個月3號被發現倒斃赤柱寓所,終年55歲,生前係天主教徒嘅佢,所屬嘅教會天主教聖亞納堂早前為佢舉行追思彌撒,而藍潔瑛嘅遺體,就喺今日進行火化。

一架無掛上姓氏嘅靈車到達域多利亞殮房。

藍潔瑛胞姐藍潔卿由親友陪同下到場。

藍潔瑛胞姐藍潔卿由親友陪同下到場。

藍潔瑛胞姐藍潔卿由親友陪同下到場。

一位男親友手持鮮花同埋藍潔瑛遺照到達。

今早,靈車抵達域多利亞殮房,藍潔瑛胞姐藍潔卿就由親友陪同下到場,一位男親友手持鮮花同埋藍潔瑛遺照到場,完成手續之後,男親友喺殮房外化寶,藍潔卿就坐靈車護送藍潔瑛遺體去火葬場,靈車有一副白色棺木,棺木刻有十字架,寫住「藍潔瑛魂歸天國」,而且放咗一束鮮花。

工作人員將藍潔瑛嘅白色棺木送往歌連臣角火葬場。

到達歌連臣角火葬場,一共有六位親友送藍潔瑛最後一程,當中包括疑似同父異母嘅哥哥、姐姐,其中一位着西裝嘅男親友,戴上口罩、黑超、左眼包紗布,佢拎住藍潔瑛嘅遺照入火葬場。

男親友拎住藍潔瑛嘅遺照入火葬場。

現場放有藍潔瑛遺照。

陳志明副主教為藍潔瑛主持最後儀式。

藍潔瑛親友向藍潔瑛致最後道別。

男親友拿着藍潔瑛遺照。

最後將藍潔瑛遺照火化。

陳志明副主教為藍潔瑛主持最後儀式,主持灑聖水、誦經儀式後,帶領眾人向藍潔瑛嘅靈柩鞠躬,向藍潔瑛致最後道別,之後由藍潔卿負責撳掣儀式,眾人目送藍潔瑛嘅靈柩離開,藍潔卿神情哀傷,除下黑超拭淚。火化儀式完結後,男親友將藍潔瑛嘅遺照火化,眾人離開時,問到藍潔瑛嘅骨灰會安放喺邊度?一位女親友話:「長沙灣。」相信藍潔瑛嘅骨灰會安放喺長沙灣天主教墳場。

藍潔瑛胞姐藍潔卿神情哀傷。

願藍潔瑛離開人世之後,不再受苦受難。

如有來世,希望你會幸福!

一代絕色美人,化作輕煙別去,願藍潔瑛離開人世之後,不再受苦受難,得到真正快樂,如有來世,希望你會幸福!


#GossipGossip#八八通#藍潔瑛#靚絕五台山#願你不再痛苦#陳志明副主教#最後道別#藍潔卿#骨灰#長沙灣天主教墳場#天主教聖亞納堂#e+娛樂#娛樂#影片

相關文章
蕭正楠台上宣佈已婚 馬德鐘李佳芯首封視帝視后
39歲周勵淇宣佈成婚 下嫁內地軍部演員傅浤鳴
何傲兒為影靚相 單眼嘟咀咩都齊
【e+送你】微笑精靈「喂喂」限量版 2019 年曆、名信片及郵票
幾套劇揸手 郭少芸出街有專車接送

推介文章
張智霖Chok住行街似catwalk
【買名牌古董袋,一定會有使用風險!】