處境劇無限Loop? 無綫擬開拍《愛‧回家之開心速遞》

Wed Jan 04 2017 08:00:00 GMT+0800 (中國標準時間)

撰文︰Take it e時

無綫嘅八點檔處境喜劇《愛‧回家》因為頗受歡迎,所以唔單止拍咗第二輯,之後仲食住上開拍《愛‧回家之八時入席》。不過因為換走咗大部分演員,所以《八時入席》無論係口碑同收視都比唔上之前,部分劇情仲曾被唔少觀眾批評。

▲《愛‧回家》系列都令觀眾認識唔少新啲嘅演員面孔。

而當《八時入席》即將喺今個星期五(1月6日)完結,據知無綫嘅監製羅鎮岳原來已經準備開拍新一輯處境劇,以百貨公司嘅網購部為主題,仲暫定叫《愛‧回家之開心速遞》㖭!咁搞法,唔通《愛‧回家》系列真係要繼續無限Loop?

羅鎮岳:「過往嘅處境劇都係以家庭為主,今次當然不例外啦。而故事除咗家庭,因為網購依家都好hit,就會講到一間百貨公司,入面開設嘅網購部,係由呢度開展出嚟嘅故仔。」

《愛‧回家》(第一輯)

劇集圍繞「馬氏一家」、律師樓同演藝圈嘅生活點滴發展,因為「馬家」成員都幾有觀眾緣,而且多段愛情線都吸引到人追睇,所以劇集頗受歡迎。

▲經典嘅「馬氏一家」大合照。

《愛‧回家》(第二輯)

換走咗唔少《愛‧回家》嘅原班人馬,劇集嘅收視同口碑都大不如前。角色刻劃冇之前出色,加上以健身中心同海味店做背景唔太合觀眾口味,所以後尾都要搵「馬家」回歸返嚟救收視。

▲翠如同張繼聰呢個配搭,其實都有新鮮感。

《愛‧回家之八時入席》

演員繼續大換血,不過有黎耀祥同毛舜筠撐場,「世紀之吻」都曾經成經掀起話題,收視口碑算係唔差。當然同最初「馬家」嘅聲勢,自然係冇得比啦~

▲當然黎耀祥同毛舜筠呢對,係處境劇嘅經典組合。

圖片來源:TVB

#愛回家#馬家#開心速遞#黎耀祥#毛舜筠#TakeItE時#熱話

相關文章
時間的考驗 黎諾懿
「愛回家」齊賀嚴謹做老竇 張達倫:依家唔使催啦
演親劇都死老婆 細數劉丹「喪妻」悲慘命運
馬壯角色深入民心 黎諾懿:連老婆都俾人叫做馬太
跟住毛姐一齊走 陳國邦再度宣布離開無綫

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x