被新娘插黑面技術差 化妝師:十幾歲結婚生仔算有福?

Thu Mar 23 2017 15:15:00 GMT+0800 (中國標準時間)

撰文︰Take it e時

香港早前一單「化妝師被新人走尾數」嘅糾紛,喺網上引起唔少討論,估唔到近日又發生類似事件,不過故事主角就調返轉。事緣有新娘子出文並上載留言紀錄,表示結婚時幫手嘅化妝師唔單止化妝化得唔好,仲要喺婚禮當日黑口黑面;而更令新娘子氣憤嘅係,化娘師竟然喺網上話佢同班姊妹係「正宗港女團」。

▲新娘子批評化妝師禮貌差化妝差,又對佢喺網上嘅言論表示憤怒。

唔少網民睇完,都為新娘事主抱不平,批評化妝師冇專業操守。但另一邊廂化妝師亦好快回應,指冇服務過咁嘅客人,同時反駁係被人「無中生有」攻擊並強調已經去警署備案。雙方各執一辭又互爆對話紀錄,各自都有人撐,你又覺得邊個啱邊個錯呢?

▲化妝師公司專頁亦好快反駁,同時叫人「玩夠就好收手」。

▲就係化妝師嘅呢番言論,令新娘最為不滿。

▲化妝師要求新娘提供證據證明真係客人。

▲新娘透過whatsapp要求道歉,並出示當日婚禮相片作為「證據」。

▲唔少網民批評化妝師態度及言論。