被當道具用完即棄 無綫劇組:兔仔屈喺籃入面冇人理

Thu Mar 16 2017 16:12:10 GMT+0800 (中國標準時間)

撰文︰Take it e時

好多電影電視都加入小動物做演員,但究竟拍完之後,小動物嘅命運又會係點呢?最近,有人就睇唔過眼,喺網上大爆無綫點樣對待一隻兔仔啦!嗰位網民就表示,佢係為朋友出post,佢指「近期有劇集因劇本拍攝需要,需要買兔兔作為道具去拍攝,並知道拍完之後便會棄養」。有次拍完之後,仲曾經慘遭「放生」在山頭,差啲淪為野狗嘅食物,好彩有人發放兔兔將被遺棄消息,先令網友朋友將兔兔救出咋!

▲有人喺網上大爆無綫為咗拍劇,去買兔兔作為道具,用完之後仲想棄養。

▲呢隻就係被遺棄嘅兔仔,當時被「放生」喺山頭,差啲淪為野狗嘅食物。

▲好彩俾好心人救出,先改變佢嘅命運。

而該名網民仲大爆無綫拍攝動物嘅「習慣」,佢指有次有隻兔仔拍完劇之後,被人放喺小小的手提籃入面,棄置喺戶外一個角落,冇人領養,更加冇人理會,但當時仲要係冬天,可憐嘅小兔兔變得骨瘦如柴。而網民仲指好多時貓狗都會有主人帶住,拍完劇佢哋就可以返屋企,但兔、倉鼠、蛇、龜、蜥蜴等因市場價值,而不受人關注,雖然都係生命,卻往往被人忽略,只當係拍劇道具,令佢哋受苦。

▲有一隻兔仔被放喺連企都企唔到嘅手提籃入面,冇人理會。

▲好多小動物都被人忽略,只淪為拍劇道具。

▲每種動物都有生命,都應該需要平等對待。

因為有需求,先要大量繁殖小動物,令小動物成為商品。而家無綫除咗買動物之外,仲要用完即棄,無視生命嘅可貴,咁樣對小動物,大家真係可以接受咩?

圖片:網上圖片

#道具#用完即棄#無綫#兔仔#e分鐘

相關文章
邊套最經典? 無綫重拍《十兄弟》搵張曦雯做靚媽
過檔無綫做靚仔高層 「游生」袁文傑原來係家明表哥
專屬情人 林文龍
咪神陳婉衡似邊個?
型足35年 54歲張兆輝新劇做「不老高富帥」

推介文章
【挑辣星極辣挑戰賽】星級參賽者鬥食辣Laksa辣魚蛋
宣萱 有要求的人
豪宅同居年半 譚凱琪有米男友求婚成功
當張繼聰係菩薩 Bob:抵佢溝到謝安琪
唐詩詠狠斬2年情 踢洪永城7宗罪
專屬情人 林文龍
撬林耀聲牆腳 方力申暗溝張沛樂
科技融入生活 體驗空間美學
同時溝兩港男 陳展鵬新女友雜食
楊明 把握時機
1O1O呈獻:星星美食旅客 -東京中華料理之最高
聯名買將軍澳樓 蕭正楠黃翠如同居試婚
按此閱讀臉書精彩內容

熱爆e+up


載入中…
x