被踢爆偷橋當原創 原作者怒插司徒夾帶:未經我同意

Mon Dec 12 2016 13:30:34 GMT+0800 (中國標準時間)

撰文︰Take it e時

網絡紅人司徒夾帶,一向鍾意拍片抽水,有時亦因為咁而得罪人,例如早前借熊貓佳佳逝世抽李佳芯水,仲貼李佳芯張黑白照,問係咪佢死咗?搞到網民怒插佢唔尊重,但「師父」見過鬼唔怕黑,最近又得罪網民,不過今次就唔係講錯嘢,而係偷人嘢呀!

是咁的,司徒夾帶最近喺Fb 上載一張截圖,內容關於老公點樣應對經常發脾氣嘅老婆,仲寫住:「男人尊嚴,主要的用途是放下」,吸引過萬人讚好,之後佢更加將文字影像化,根據內容拍咗條短片,同樣吸引過萬人讚好,但點知俾內容原創者踢爆司徒夾帶唔落Credit之餘,仲喺冇通知情況下將內容拍出嚟,結果俾網民鬧爆佢偷橋。

▲雖然司徒夾帶有澄清係截圖,但問題佢未經人同意就拍條片出嚟。

▲原創者喺Lihkg表示,司徒夾帶未經受權。

▲網民怒插司徒夾帶。

其實原創者要求好簡單,只需要落番credit同通知聲就得,不過司徒夾帶似乎喺知識產權呢方面,就真係冇乜知識;更弊嘅係,網民有網民鬧,佢有佢繼續扮冇事,Post 照up、片照拍,更加俾網民怒插佢扮冇嘢唔交待、又話佢連男人都唔係,做得出唔敢認。

至今,司徒夾帶依然未有為此作出回應,睇嚟司徒夾帶打算用拖字闕,等件事沖淡喎。

圖片來源:司徒夾帶、Lihkg

#司徒夾帶#偷片#偷橋#踢爆#原創作#知識產權#未經同意#e分鐘

相關文章
偷橋風波要找數 司徒夾帶捐無國界醫生一萬蚊
司徒夾帶講娛圈潛規則 疑似吳若希爆粗:好X侮辱!
着聖衣撐星矢 王友良被踢爆用淘寶翻版貨
【跟蹤被踢爆】來生不做香港便衣 新警察背囊故事
9歲譚芷昀晉級《全美一叮》 天后Celine Dion大讚:好可愛

推介文章
我們的時光 Twins
狠飛太極Ricky 戴夢夢澳門攬佬
舌戰7女星談情說性 黃浩被阿嬌KO
一個人  湯寶如
玩交友App識男仔 麥明詩約俊男high tea
翻新暫別街坊六星期 公和荳品:凡事向好方面看
洗米華大仔周柏豪:同爸爸溝通唔係太多
《警訊》被插拍得浮誇 堅哥反擊:咁係咪佢自己好醒呀?
陳自瑤怨老公少返屋企瞓 王浩信婚姻現暗湧
【挑辣星極辣挑戰賽】到底辣王辣后誰屬?
【挑辣星極辣挑戰賽】星級參賽者鬥食辣Laksa辣魚蛋
宣萱 有要求的人
按此閱讀臉書精彩內容

熱爆e+up


載入中…
x