解釋點解唔同歌迷合照 張繼聰:唔想小朋友白等

Thu May 25 2017 13:35:28 GMT+0800 (中國標準時間)

撰文︰Take it e時

歌手藝人應唔應該「老奉」同粉絲影相?呢個問題幾值得討論。尋日張繼聰出席活動後,上載同客戶合照及活動照片,但有網友留言質問張繼聰:「點解只係同客影?喺街叫你又唔影?」,暗示對方大細照。一向轉數快嘅張繼聰當然識得為自己拆解「災難」,佢細心解釋指出同客戶影相係「工作一部份」,至於點解平日唔影得相,就有兩個原因:因當時着戲服拍攝、同屋企人出街。

▲阿聰表示有時唔方便同大家影相。

角色造型要保密,着住戲服唔可以同大家影相

張繼聰表示,平日方便時一定會同大家合照,但有啲情況就唔係咁方便,例如着住戲服原來唔可以同大家影相,因為角色造型要保密,所以呢個係其中一個不便原因。

▲演員自拍又唔同講法。

唔想拒絕別人,更加唔想阿仔等自己

張繼聰表示,另一個不便情況,就係同屋企人出街,特別係同小朋友,因為影完一個之後,唔好意思拒絕其他人,結果要令小朋友喺度等。阿聰認為,可以帶個囝去玩嘅時間真係唔多,所以想好好把握時間同屋企人相處,所以好多時都唔好意思要拒絕大家。但阿聰補充,「平時十次都有八次係街同大家影,因為真心感謝大家嘅支持」,又指呢件事擺咗喺心好耐,所以係一個好時機同大家解釋。

▲阿聰一向同家人感情好好。

▲老婆亂入踩場。

有網民認同阿聰嘅處境,認為「藝人都要有自己空間同時間」,欣賞阿聰對粉絲及對家人嘅態度,亦都有市民擺返同阿聰合照嘅照片,讚揚對方有禮貌同好人,而阿聰亦好有記醒,表示認得對方。老婆謝安琪都有亂入㗎,表示明白老公,「所以次次見到你都冇叫你同我影相……係你自己叫我同你合照」。

圖片來源:張繼聰

#張繼聰#謝安琪#合照#影相#家人#屋企#親人#出街#拍劇#e分鐘

相關文章
張繼聰三千萬簽蕭定一 謝安琪學彭羚引退
暫不復出唱歌 謝安琪入股生煎包舖做女強人
專欄︱暫別又何妨?(林蕾)
張繼聰曬謝安琪母女照 囡囡張靖化身「萌爆表情包」
三公司齊搶夫妻約 謝安琪張繼聰6千萬賣身

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x