設局放蛇有違新聞道德? 有線記者親自解答疑問

Thu Jul 13 2017 15:21:36 GMT+0800 (中國標準時間)

撰文︰Take it e時

最近有線《新聞刺針》用玩具龜設局拆穿動物傳心師事件,惹來各方抨擊,有網民認為動物傳心係冇根據,係「另類神棍」;亦有網民卻認為「信則有不信則無」,又認為《新聞刺針》嘅「放蛇」做法好卑鄙,有違新聞道德。網民反應咁兩極,負責採訪「動物傳心」嘅個題目嘅記者楊量傑,喺《新聞刺針》Fb專頁發文回應,更列出5條大家好好奇嘅題目,解答大家嘅難題。

「放蛇」卑鄙? 楊:只是其中一個驗證手法

楊量傑指,好多調查報道都係由「一個疑問開始」,然後要去驗證呢件事嘅真確,其中一個方法就係「放蛇」,無論結果如何,都會「給予對方充足機會回應,他們的回應,亦如實呈現。」楊量傑又表示,「放蛇」手法喺過去唔少報道中多次採用,唔明白點解今次用嘅時候會出現另一套標準。

包括扮作內地人揭破假結婚集團﹔扮作水貨店東主,揭破水貨集團背後運作﹔扮作傘後組織,揭破區議會十五萬元賄選事件﹔以普通的瓷器當古董,揭破拍賣行透過以超高估價,誘使顧客支付拍賣費等等。這些報道,同樣用上「放蛇」手法,布局比這次更精密。那麼,為何一個一直被應用的新聞處理手法,套用在傳心師身上會出現另一套準則呢?

▲有網民批評有線新聞做法有違道德。

不用真動物測試? 楊:以防口同臭拗

網民大多針對點解「放蛇」行動,要用假龜而非真龜。楊量傑指「用真動物來測試,只會引來很多爭拗」,如果用真龜驗證,根本無法判斷係傳心有誤定係動物「講大話」? 所以用冇生命嘅假龜測試,就能斷定到底坊間嘅「動物傳心」到底準唔準確。

若用真龜去驗證,那就根本無法判斷到底是傳心有誤,還是動物「講了大話」,結果只會各執一詞,口同鼻拗,要突破這個盲點,選擇用一隻沒有生命沒有思想的玩具龜,是最不存在灰色地帶的最佳選擇

▲用真龜的確存在盲點,難以判斷傳心師真偽。

信則有,不信則無? 楊:希望觀眾判斷前得到多一層資訊

楊量傑認為「傳心服務以及課程大行其道時」,已明顯不止於「信則有,不信則無」,而站喺消費者角度,傳媒有責去了解呢門生意「是否存在問題」。楊又補充,希望觀眾喺作出判斷前得到多一層資訊。

報道出來,希望觀眾在作出判斷前得到多一層資訊,至於大家日後對傳心術抱持甚麼態度,是否透過傳心尋找心靈慰藉,則是個人選擇。

▲楊記認為報導只在提供正確資訊俾讀者,希望佢哋喺決定有多一層了解。

點解布歐叫布歐?

至於布歐點解叫布歐?楊指純粹記者個人喜好。

冇得解,記者個人喜好,本來仲諗過叫比達或格古洛,最後都係覺得布歐最襯佢。

▲布歐為《龍珠》入面嘅角色。

▲唔少人都讚有線新聞理據充份,鞭鞭有力。

來源:新聞刺針

#有線#icable#公信#假龜#傳心師#動物傳心#道德#卑鄙#設局#e分鐘

相關文章
小小超傳媒王國
有線寬頻(01097)去年多蝕67%
新年檔期睇乜戲? 翻炒續集任你揀
情人節喺屋企直播唱歌 麥明詩:我唔係冇人約
熱心市民齊救「水管狗」 毛孩守護者:估計受困最少2個月

推介文章
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
狠飛太極Ricky 戴夢夢澳門攬佬
舌戰7女星談情說性 黃浩被阿嬌KO
一個人  湯寶如
按此閱讀臉書精彩內容

熱爆e+up


載入中…
x