設計疑被小米抄襲 「三姑六婆」製作人:好唔尊重

Thu Jan 26 2017 12:39:28 GMT+0800 (中國標準時間)

撰文︰Take it e時

拜年最怕見到遠房親戚但唔知點稱呼佢好,有見及此,80後嘅Kevin Cheung喺兩年前設計出「三姑六婆」手機app,程式使用計數機介面,只要好似平日篤計數機咁輸入親戚關係,稱謂就一目了然,當時推出不久已超過10萬人下載免費版,至今依然喺香港人拜年嘅常用app,但最近小米亦設計同樣嘅程式,無論介面定用法與「三姑六婆」極為相似,令原創者Kevin都忍唔住留言:「做乜抄我個App?」

圖左為小米喺FB宣傳嘅POST,右圖為「三姑六婆」介面,兩者甚為相似。

我哋《E週刊 E Media Plus》訪問「三姑六婆」製作人Kevin,佢表示唔明點解小米講到好似自己先係原創。

雖然我哋冇為呢款計數機程式設計申請專利,但幾肯定用計數機介面解答親戚稱謂嘅程式,當時係未有,可以肯定係始創,但依家(兩年後)小米出咗差唔多嘅程式,最主要係佢講到自己原創咁,第一小米你唔係原創,第二呢類程式已出咗好耐,唔好令人覺得呢樣嘢係你發明咁囉。

▲網民力撐Kevin嘅「三姑六婆」。

唔少網民都撐Kevin,認為坊間已經有相同嘅app,此做法如同抄襲,指稱「小米方面冇可能唔知有呢個app,有都照做,形同強盜」,Kevin則有以下睇法:

抄唔抄好難界定,好似有人話神魔抄puzzles and dragons,但神魔都話自己原創,而且兩者操作極為相似,而事實puzzles and dragons係早過佢出,讀者點睇都好,事實就係咁。當然佢可以話喺唔知有呢個程式情況下,諗到呢個程式,咁樣都講得通,但要睇返邊個先邊個後囉。

不過Kevin都認為,唔係話做先嗰一方代表啱晒,做後代表錯,好似iPhone、Android 都有相似地方,各有各做,最重要係邊個做出黎好啲,只係唔明點解小米好似做到原創咁,認為呢個「致敬」方式好唔尊重原創者。

▲Kevin表示,兩年前以個人名義開發三姑六婆,其後再同朋友夾份開公司,再轉落公司名義。

至於有冇進一步行動?Kevin表示:「冇主動做乜嘢,只係喺Page度留言,想同佢溝通一下,睇下有冇回應。」Kevin補充,小米呢個親戚計算器原來香港冇得用,只有大陸先用到,但小米卻喺香港Fb專頁宣傳,甚為奇怪。

圖片來源:三姑六婆 - 親戚稱呼計算機、小米香港 Mi Hong Kong

#三姑六婆#小米#設計#程式#抄襲#親戚計算器#e分鐘

相關文章
親戚學名計算機 三姑六婆app幫到你
恭喜!恭喜! 47歲伊能靜誕下小公主
國際版紅米Note 3聽日開賣
紅米3升級金屬殼 超長備用時間只賣699人仔
百事都衰 手機集資無人吼

推介文章
當張繼聰係菩薩 Bob:抵佢溝到謝安琪
唐詩詠狠斬2年情 踢洪永城7宗罪
專屬情人 林文龍
撬林耀聲牆腳 方力申暗溝張沛樂
科技融入生活 體驗空間美學
同時溝兩港男 陳展鵬新女友雜食
楊明 把握時機
1O1O呈獻:星星美食旅客 -東京中華料理之最高
聯名買將軍澳樓 蕭正楠黃翠如同居試婚
1O1O呈獻:星星美食旅客 - 兩大貼地必吃餐廳
汪明荃 不言休
1O1O呈獻:星星美食旅客 -食日本好「西」
按此閱讀臉書精彩內容

熱爆e+up


載入中…
x