試過借貸瞓梳化 張秀文:低潮時戶口只剩$56.4

Thu Feb 23 2017 18:15:04 GMT+0800 (中國標準時間)

撰文︰Take it e時

最近,買樓呢個話題已經成為好多香港人嘅熱話。繼「有樓有高潮」之後,$50蚊買樓、儲105%錢買樓等等,都叫好多人嘩然㗎!而《有樓萬事足》第三集張秀文出場,終於講返啲比較貼地嘅道理啦,佢話「眼見樓價咁高,努力一生都只為層樓付出青春,真係好多人都覺得唔值。」緊係啦,咪睇而家成日喺電視上見到佢,其實佢曾經都好慘好窮㗎,佢接受傳媒訪問時指因為「做藝人收入不穩,曾經因為冇咩騷出,又冇咩嘢做,所以戶口只剩$56.4。」仲話自己要借貸還卡數。唉呀,生活艱難呀!

▲雖然而家成日接job,但秀文都曾經低潮過。

窮到戶口只剩$56.4

當年秀文選完港姐之後,工作唔多,頂多做下客串做下嘉賓,收入就緊係少到嘔啦!秀文接受傳媒訪問時仲話「當時人工少到連強積金都唔使交」,低潮期試過戶口只剩$56.4!

▲選完港姐以為一帆風順?點知低潮期先嚟呀!

試過借貸還卡數

做藝人就算冇錢,都要靠樣靠衣裝搵食,戶口剩$56.4點樣置新裝?秀文就指要借錢過日子啦!「貸款周轉兩、三個月都試過,因為真係還唔到卡數,出糧就即刻找數。」

▲藝人靠衣裝,就算冇錢,借返嚟都要㗎啦!

做廳長瞓梳化

連生活費都成問題,住屋又點算呢?秀文就指當年要喺馬鞍山公屋搬出巿區生活,惟有去家姐度住,瞓兒童床瞓梳化都試過,為咗慳,惟有咁做喎!

▲瞓梳化真係幾唏噓下。

▲不過到最後成功上位,都係咁上下啦!

雖然捱得好辛苦,不過而家捱出頭,終於有錢可以租屋住,都已經唔錯啦!

圖片:張秀文ig

#試過#借貸#瞓梳化#張秀文#低潮時#戶口#只剩#$56.4#e分鐘

相關文章
廣東道慘遭連環拒載 林子博:依家啲的士係咁
貸款發放速度過快 中國人行提高銀行存款準備金率
e衫評 張秀文熊黛林靚在肩膊
「是非精」黃心穎張秀文被換走 網民:興趣大減
e衫評 麥明詩 張秀文 膚色取勝

推介文章
【跟住爸爸食燕窩】唔使一嚿水 燕窩食滿咀
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
按此閱讀臉書精彩內容

熱爆e+up


載入中…
x