警察蛇宴請大媽跳舞 佐級協會:「事前唔知表演內容」

Mon Jan 11 2016 14:31:06 GMT+0800 (中國標準時間)

▲阿姐你走光呀?不過算啦,可能係故意。

撰文:Take it e時

早前旺角街頭咁多大媽跳舞,警察都冇阻止,有本土派去示威,話在場維持秩序嘅警察執法不公,係唔係就唔知喇,不過警察同大媽疑似friend咗,尋日開始瘋傳幾張警隊喺上水一間酒樓搞嘅蛇宴上,有火辣辣大媽,大扭蛇腰跳蛇舞嘅相片!

▲大媽喺蛇宴上,可謂「滿場飛」,非常落力。

▲橙色「戰衣」類似比堅尼,大媽更同在場人士玩。

本來搞聚會請下人嚟表演助慶好正常,不過喺瘋傳嘅照片入面,最爆一張算係個大媽企上櫈,一腳踏上枱,開心忘情到走晒光,畫面甚重口味。另外,其他照片都睇到,呢位大媽起碼以兩套低胸衫「迎戰」聚會上嘅警員同家屬,一套是桃紅低胸短裙,另一套係橙色比堅尼式舞衣。

▲香港警察隊員佐級協會陳祖光主席話,表演由酒樓提供。

記者就事件查詢警察公共關係科,得到嘅回覆係,佐級協會或其他警隊嘅團體所舉辦嘅活動都係由佢哋自己安排,而佐級協會主席陳祖光以電郵回覆,話今次晚會係為會員同家屬搞嘅聯歡晚會,而歌舞同演員都係由酒樓及製作公司安排,事前唔知道歌舞表演嘅內容,仲話會就事件進行檢討。但對於警察團體興唔興請呢類表演者助慶,以及當晚家屬中,有冇兒童或未滿18歲人士,佢哋冇回覆。不過我哋致電酒樓,問搞宴會有冇跳舞表演助慶提供,佢哋只表示「有樂隊個聯絡囉」,究竟大媽蛇舞係邊個安排,就似乎冇人肯認喇。

▲網民驚覺警隊原來鐘意睇大媽舞。

電台節目主持人雲海都有喺佢facebook度講呢件事,佢留言話睇到大媽走晒光後「好驚」,有網民驚覺驚方早前點解冇趕走大媽喺旺角跳舞,「原來佢哋自己想睇」,但係都有網民覺得,有呢類表演助慶根本係一個套餐,唔需要大驚小怪。


#新界北總區#佐級協會#蛇宴#大媽#大媽舞#走光#熱話#推介

相關文章
跳到去日本原宿 黑超大媽街頭狂舞夢
泊車加送免費表演? 大媽勁舞團殺入停車場
專欄︱婆娘駕到 (林蕾)
跳舞阻街?音響擾民? 網友:行人專用區冇晒旺角特色
大媽亂指港媽拐帶佢個仔 乘客:人哋嗰個係女嚟

推介文章
當張繼聰係菩薩 Bob:抵佢溝到謝安琪
唐詩詠狠斬2年情 踢洪永城7宗罪
專屬情人 林文龍
撬林耀聲牆腳 方力申暗溝張沛樂
科技融入生活 體驗空間美學
同時溝兩港男 陳展鵬新女友雜食
楊明 把握時機
1O1O呈獻:星星美食旅客 -東京中華料理之最高
聯名買將軍澳樓 蕭正楠黃翠如同居試婚
1O1O呈獻:星星美食旅客 - 兩大貼地必吃餐廳
汪明荃 不言休
1O1O呈獻:星星美食旅客 -食日本好「西」
按此閱讀臉書精彩內容

熱爆e+up


載入中…
x