《警訊》加插惡搞元素 杜汶澤、鄭中基寸爆:睇唔落

Tue May 16 2017 12:18:56 GMT+0800 (中國標準時間)

撰文︰Take it e時

喺網絡世界咩都要講包裝,尤其係廣告宣傳,再用hard-sell手法已經好難吸引人注意,而資訊節目《警訊》深知呢一點,近年喺模擬片段片加插唔少惡搞元素,令事件變得有趣味性。最近《警訊》一條提醒高空擲物嘅影片喺網絡爆紅,事關片中加插唔少無厘頭情節,例如阿爸唔准個女拍拖、嫁個有錢仔呢啲貼地對白同鋪排,唔少人睇完都覺得好好笑,就連杜汶澤同鄭中基都有睇,但大家異口同聲表示:「睇唔落囉。」

▲杜汶澤暗寸《警訊》短片製作浪費公帑。

一向敢言嘅杜汶澤形容影片係「一個人嘅智商去到咩程度,至會覺得負責一個防止罪行嘅宣傳工作應該係咁做」,直斥影片其實冇養分,「無(冇)人睇,但唔係大x曬」,咁做係浪費公帑;即使吸引觀眾,令觀眾覺得好笑,但「笑都係笑x你,而唔係真係覺得你搞笑」。

▲鄭中基喺《龍咁威》入面惡搞警訊嘅影片相當經典。

同杜汶澤老友鬼鬼嘅鄭中基亦有留意,更加「暴龍哥」上身,用私人帳戶喺阿澤fb留言:「睇唔落」,認為對白過於唔合理,未能反映現實。而杜汶澤亦貼上一條當年鄭中基喺電影《龍咁威》入面惡搞警訊嘅影片,暗寸對方當年都有份「惡搞」,而鄭中基亦好醒目回應:「佢哋一向唔抵得我做《警訊》叻過佢哋!」寸到應一應。

邊X度有人咁講嘢㗎啫,我知係對白,但返到屋企樓下,條女話我到喇拜拜,條仔扯X佢翻轉頭話咁你小心啲!做乜X啫,佢屋企有獅子老虎食X佢吖……

▲鋪排7分鐘,最後原來係講緊高空擲物。

唔少網民都認同阿澤同暴龍哥睇法,認為「拍高空擲物,唔洗花咁長時間拍一大段片」,又指「一直對用呢個方法拍警訊係反感,但仲有好多人覺得咁係創意」。除咗暴龍哥之餘,錢小豪亦加入留言,揶揄「拍戲多年都諗唔到咁好張力僑段!」

睇完呢柒分鐘!覺得自己好卑微!拍戲多年都諗唔到咁好張力僑段!

▲劇中女主角回應事件,指咁做為咗吸引觀眾。

至於劇中嘅演員Toby亦有留意杜汶澤轉載,佢接受傳媒訪問時回應,指「咁樣拍啲故事觀眾才會入腦,提醒佢哋唔好犯法,唔搞下笑邊有人睇呢?」你又覺得呢類型嘅《警訊》片又係好定壞呢?

來源:杜汶澤fb

#杜汶澤#鄭中基#警訊#暴龍哥#惡搞#e分鐘

相關文章
放閃慶祝12周年 田蕊妮:結婚係接受彼此嘅不完美
唱《海闊天空》就有民主? 杜汶澤實測:戇X
另類隱世歌手? 杜汶澤獨特歌聲老是常出現
劣食臭海膽入院 杜汶澤賤價做食騷
寄語鄭中基唔好放棄音樂 阿澤:佢肯再唱會令好多人開心

推介文章
我們的時光 Twins
狠飛太極Ricky 戴夢夢澳門攬佬
舌戰7女星談情說性 黃浩被阿嬌KO
一個人  湯寶如
玩交友App識男仔 麥明詩約俊男high tea
翻新暫別街坊六星期 公和荳品:凡事向好方面看
洗米華大仔周柏豪:同爸爸溝通唔係太多
《警訊》被插拍得浮誇 堅哥反擊:咁係咪佢自己好醒呀?
陳自瑤怨老公少返屋企瞓 王浩信婚姻現暗湧
【挑辣星極辣挑戰賽】到底辣王辣后誰屬?
【挑辣星極辣挑戰賽】星級參賽者鬥食辣Laksa辣魚蛋
宣萱 有要求的人
按此閱讀臉書精彩內容

熱爆e+up


載入中…
x