讀法律鋪路做大狀? 網民激讚朱千雪有內涵

Wed Sep 14 2016 16:47:18 GMT+0800 (中國標準時間)

撰文︰Take it e時

港姐要「美貌與智慧並重」呢個口號,我哋細細個就聽到大,而你又覺得邊位港姐可以完展現呢種精神出嚟呢?相信除咗前排指稱要「始終如一」嘅10A港姐麥明詩之外,最近攻讀法律博士學位嘅朱千雪都係網民嘅心水之一!

美貌

雖然朱千雪只係當屆港姐季軍,但其實當年全民投票下佢先係網民心目中嘅冠軍,只因當晚冧server搞到冇咗冠軍,不過都唔影響網友對千雪BB嘅愛意,無論係斯文眼鏡LOOK、清純造型定係戰鬥格,都足以殺晒一班網民。

▲無論咩Look都係咁靚。

知慧

朱千雪吸引嘅地方唔只得個樣,仲有佢博學多才嘅背景。雖然佢唔係出身10A,但出身亦非平凡,先喺加拿大就讀名校之一嘅西門菲莎大學,早排亦完成中大傳播學院碩士課程做碩士,最近佢又再轉攻讀城大法律博士課程,同立法會「新丁」容海恩議員系出同門,讀完兩年之後再讀多年PCLL,咁就可以應徵做見習律師喇。

其實千雪BB都係一啲關心時事政治嘅藝人,早前立法會選舉佢都有投票,仲話唔可以討厭政治,因為政治係生活一部份㖭!咁識諗,抵網民鍾意你啦!

▲朱千雪成日都睇書,對學習依然充滿熱誠。

▲網民好buy朱千雪㗎。

但讀咁多書有冇時間拍戲㗎?定係已經疊埋心水唔做演員轉行做律師?唔使驚,朱千雪就話仲同無綫有約,依家會半工讀兩樣兼顧,最多就辛苦啲囉。見朱千雪咁識諗咁好學咁上進,難怪網民咁鍾意佢啦。不過網民都登朱千雪唔抵,咁受歡迎又有學歷,但無綫又唔捧佢,所以先有傳佢心灰意冷離巢囉!

圖片來源:朱千雪fb

#朱千雪#法律#讀書#律師#博士#碩士#大狀#內涵#TakeItE時#即時

相關文章
《踩過界》第二季改結局 墮海李佳芯突然翻生
朱千雪 澱粉質女孩
爆《踩過界》第2季悲慘結局 醫好眼見朱千雪慘死 李佳芯墮海亡
港姐12強大變身 「翻版朱千雪」變身桂綸鎂
e衫評 朱千雪、劉穎鏇 港姐失手記

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x