跟住毛姐一齊走 陳國邦再度宣布離開無綫

Mon Dec 05 2016 18:18:02 GMT+0800 (中國標準時間)

撰文︰Take it e時

近年有唔少小生花旦離開無綫北上搵銀,但亦有部份藝人「倦鳥知返」,重投無綫,其中一位就係陳國邦。記性好嘅你應該記得一年前陳國邦點樣「彈出再彈入」,首先高調地單方面同無綫「分手」,仲寫咗封「公開辭職信」,大呻自己冇乜機會,當時網民都讚佢有膽色㗎。但不足兩個月就極速回巢,話邊到需要自己就會去邊到,仲話其中一個原因係因為返無綫拍劇嘅毛姐說服佢,結果令網民大跌眼鏡,怒斥佢冇志氣。

早年陳國邦憑《大太監》彭三順一角而人氣急升,仲一度入圍最佳男配角最後五強,但可惜最後不敵更加人氣旺盛嘅「蘇基」古明華。

一年過去,《八時入席》下個月初就會大結局,無綫亦未有意添食,咁加簽一年合約嘅陳國邦點?咪係再一次宣佈唔再續約囉。陳國邦接受傳媒訪問時提到希望行返之前自己想行嘅路,即係做番藝術工作者,又表示今次再一次離開心情輕鬆好多好舒服。

係無綫一路工作做演員當然有保障,但變咗喪失你自己安排自己工作嘅能力。基本上你冇嘢做時,就上7樓(戲劇部)話俾佢聽『 監製我得閒喎』 ,好少去費神。

▲陳國邦表示毛姐唔拍,佢自己就會堅決離開。

至於另一個離巢原因,相信都係關於毛姐唔續約問題。有報道指,向來做嘢認真見稱嘅毛姐,不滿無綫愈做愈Hea,仲話當初回巢為收視救亡,碌盡人情搵老友幫手,仲承諾會做好製作,拍套好劇去省靚招牌,點知出嚟嘅效果完全相反,搞到毛姐極之冇癮,所以毛姐一話唔續約,《八時入席》幾可肯定冇下一輯,而當初陳國邦都係因為毛姐說服先返無綫,咁毛姐走,陳國邦咪跟住走囉。

▲陳國邦喺無綫咁多年,始終同「主角」無緣。

對於陳國邦再度離巢,網民第一個反應,應該同你我一樣:「下?又嚟?」,仲有網民問究竟佢第幾次話要離開?(2000年前佢曾經離開過無綫),亦有部份網民表示佢靜靜地離開應該都唔會有人察覺,睇嚟陳國邦喺網民心入面存在感都幾低喎。


#陳國邦#毛舜筠#毛姐#tvb#無綫#離巢#愛回家#八時入席#TakeItE時#e分鐘
相關文章
黎明金句變打氣歌 連詩雅陳國邦齊齊唱
愛回家之後又係愛回家 網民:創意度零
《公公出宮》金菠蘿吸睛 網民力讚表情多
唔係男一都呵得返 陳國邦同無綫「復合」
處境劇無限Loop? 無綫擬開拍《愛‧回家之開心速遞》
推介文章
開心快活人
劉華墮馬盆骨重創 朱麗倩緊張爆喊
【密密食小隊】 足料爆餡大水餃 兩小時刺身火鍋放題
愛老婆會發達
【跟住爸爸去福島】下世要做豬
獨家 王菲霆鋒秘密愛巢曝光
殺出個未來 朱咪咪
唐詩詠痴心錯付 洪永城冧理財女神10年
用愛關懷流浪動物 以暫養為貓狗建立溫暖家庭
有愛就有幸福 四隻開心貓咪的故事
最新郵輪海上zip line 飛越汪洋
台北私家露天溫泉 浸獨家原湯
按此閱讀臉書精彩內容

熱爆e+up


載入中…