跟着Jason和Sarah去蜜月

Mon Nov 14 2016 19:00:28 GMT+0800 (中國標準時間)

▲ 我們去到威尼斯的時候,竟然有藍天,仲好好陽光,影相真係無得彈,好靚!

第一站:威尼斯

我們在倫敦出發,首站先去威尼斯,在那裡留了三日兩夜。
出發前,都做了些research,都知道大概三日兩夜就足夠。
所以,我們計劃行程的時候,都是飲飲食食為主,然後就是影下相。
最難忘的是天氣。
之前好多人都話九月份開始,威尼斯天氣麻麻,又大風又會有雨。
不過,我們去到的時候,竟然有藍天,又好好陽光,影相真係無得彈,好靚!
當然,去威尼斯就一定會坐水上的士。
坐船唔算難忘,不過坐gondola就真係幾舒服,而且夠特別,又有人唱歌。
整個威尼斯只有船沒有車,感覺真係幾特別。

▲天氣好到咁,梗係相機不離手啦!

▲意大利菜真係好好味,食極唔厭。

特別的,還有食物。
幾乎三日兩夜都係食食食,無論海鮮或者意粉,都真係好味道。老實說,以前去過弗羅倫斯,食過幾餐,印象麻麻,麵包又乾,淨蘸橄欖油,味道真係唔太喜歡。不過今次去到威尼斯,吃過的都好好食,對意大利菜大改觀。或者,今次是因為跟對的人吃對的菜吧!

人生第一次

完成威尼斯的旅程,啟航到瑞士。
未出發,先有小插曲:就是我們第一次錯!過!航!班!
那天,我們去到機場,發現航班已經飛了,細問之下原來提早了五小時起飛,但沒有通知我們,所以就錯過了。那刻是有點彷徨,不知買新機票好,還是等下班機好,最後都是等。後來,Kenny (黃浩)跟我講,其實可以在威尼斯自駕到瑞士,沿路風景美麗。所以,我們決定下次會試試駕車,唔坐飛機。

▲去到威尼斯,點都要睇睇面具藝術。

去到瑞士日內瓦,又有一個新體驗。
因為從來未試過咁他條!整個週末,都只得食,沒有其他事情,無shopping,無觀光。甚至連星期一,原來都是當地的休息日,真的他條到不得之了。
那幾天就是食食食,記得食過raclette cheese,有少少似芝士火鍋,都是蘸麵包吃,鹹鹹香香幾好味。當然,芝士火鍋就一定有,帶酒香,而且氣氛一流。留在日內瓦那幾天除了吃,我們跑到法國一個叫Oyonnax(瓦約納克斯) 的小鎮,風景靚到不得了,雖然有些少似威尼斯,尤其是鎮內的河道,不過風光明媚,好值得去看看。

▲返到倫敦,見見家人朋友,當然開心。

回到倫敦

旅程的尾聲,我們回到倫敦。
坦白講,我在倫敦長大,其實很多事情都做過。不過,跟一家人一齊度過幾日,食tea閒逛家庭聚會,真的好窩心!

▲Travelstaytion的民宿,地點好好。

值得一提的,是住的地方。
今次我們透過Travelstaytion搵屋,搵到一間真係好靚的英式大宅。好記得以前讀大學的時候,都有同學住在這種地方,真係好有親切感。今次住呢間,位於Knightsbridge,有兩層,地方大,又有英式大宅的感覺,Sarah表示好喜歡。最重要的今次住的地方,好近Harrods和其他shopping地點,好多地方都可以行到去,車都唔駛坐。

▲屋內設備齊全,好方便!

▲今次我住Knightsbridge,係一間典型的英式大宅。

▲大宅兩層高,空間感十足,真係好舒服!

Honeymoon就完了,不過下個旅程已經計劃中。因為英國其實很大,風景很美,計劃下次由南部玩起,到海邊城市Brighton玩玩,體驗一下英式海邊生活!

TravelStaytion於2013年成立,總部設於倫敦,於二百個目的地有超過二萬間住宅和別墅。網站上全部住宿可即時確定預訂,即使last minutes也可放心訂房。而且全部住宿經過專業團隊審核,住宿裝修設計型格舒適,大部分地點位於中心地帶,例如倫敦的Notting Hill和Convent Garden。最重要,是安全可靠。

網址:www.travelstaytion.com


#旅遊#熱話#時尚#Travelstaytion#London#美食旅客

相關文章
暹粒濕身祈福 惡運被水沖去
踩入日本Legoland 睇Lego人浸溫泉
踩入日本Legoland 五大園區逐個睇
《美旅》踩入日本Legoland(上)
大雪紛飛都要靚 札幌和服體驗

推介文章
見盡娛圈人情冷暖 黃翊落淚:遇熟人不敢再打招呼
人緣好 兄弟多 林子善結婚多人撐
【e分鐘投票】假如你有票… 都市人心見中的特首
狠飛吳彥祖「空心」表哥 陳雅倫夜會富豪
電影不能缺少的男配角 林雪:老竇叫我拍戲先有今日
何雁詩入行8年 「父母冇諗過我仲生存緊」
同B拍戲母性大發 44歲Sammi練盆骨操造人
免電隨身咖啡機
宅男女神大戰 簡淑兒硬撼江嘉敏
東京拍飲食旅遊節目 連詩雅獲黃浩大讚
同爸爸十年冇見 林作:佢有另一頭住家
有牛有高潮! 黃浩帶連詩雅日本食靚牛
按此閱讀臉書精彩內容

熱爆e+up


載入中…
x