【逐點擊破】網友不滿插隊求心 好友開post為馬倬朗平反

Sun Jun 12 2016 18:45:23 GMT+0800 (中國標準時間)

撰文︰Take it e時

早前20歲中大男生馬倬朗急需換心續命,其女友更喺網上撰文呼籲各方捐贈器官,就算幫唔到佢男友都可以幫到其他人,更有其他傳媒幫忙拍片呼籲,唔少人都因此而感動,但有部份網民持相反意見,認為其女友係借男友上位,質疑點解女方唔捐心俾男友,反要向人乞求,甚至反問佢憑咩值得優先攞到心臟?直至尋日,網上有位自稱馬倬朗嘅朋友出嚟為好友解畫,更加逐點擊破網友嘅疑點!

▲網友喺高登討論區作出回應。

點解佢要乞心?

呢位好友表示馬倬朗嘅心臟功能得番正常人10%,最少要有65%先可以正常生活。而且用體外心室輔助裝置只能維持3個半月,而且隨時會有中風危險。佢亦引用幾年前一個相同例子,表示換心嘅急切性。

▲馬倬朗生命危在旦夕。

點解佢可以優先攞到心臟?

近嚟社會出現幾單「特事特辨」令人側目,唔知係咪呢個原因令部份網民睇唔過眼,但呢位好友表示馬倬朗並非插隊,而係確實排喺第一位,更加表示係根據嚴重性而排位。

▲好友為馬倬朗平反。

點解佢女朋友唔捐個心比佢?

其實捐贈器官唔係話捐就捐,都要合適血型。好友表示,馬倬朗血型係A+,而佢女朋友唔係A+或者O,所以係用唔到,加上人冇心就會死,更何況人性道德在前,無理由以一命換一命。

▲器官唔係話捐就捐,都要睇合唔合適。

而家唔係有咩人工心臟?

其好友表示,人工心有分外置式同內置式,依家馬倬朗用緊外置式,而內置式人工心壽命大約一年,但只限用於左心室,而馬倬朗咁岩就係右心室有問題,所以用唔到。就算外國有由細胞培植嘅人工心技術,轉移病人風險極大,加上又要排期兼需求龐大資金,時間加上金錢,容不下等待。

▲錢同時間係最大障礙。

質疑女友點解笑笑口拍片?

好友表示,馬倬朗出事時,佢女朋友足足崩潰左成個月,直到事發後兩個月,即6月頭,先擺脫到情緒企出嚟。佢最後表示,話睇唔過其他網友先入為主,認為馬倬朗染金毛就等於mk仔,更加睇唔過眼因為馬倬朗嘅外表而被網友抹黑。

▲有啲痛苦只有事主自己先知。

▲好友忍唔住幫手澄清。

將心彼己,冇人希望自己會出事,而且生命在前,已經唔係一個適合開玩笑嘅時候,換著你係肇事者,咁樣被人質疑又會有咩感受?

資料來源:高登討論區

#馬倬朗#人工心#女友#不滿#乞心#續命#器官#器官捐贈#TakeItE時#熱話

相關文章
撬林耀聲牆腳 方力申暗溝張沛樂
捱18年終做男一 楊明快娶「旺夫」莊思明
李錦聯孖助手 買魚撐枱腳
女友最緊要識食? 港男:唔知焗豬好食講乜將來
鐵騎士開車跌咗後座女友落地 網民:天外飛仙

推介文章
談談情 說說性 董敏莉
LEGO首創VR過山車 今日有得玩
狗年戀事驚人預測 王菲終嫁霆鋒 陳嘉倩BB竟然……
古天樂陳豪有勁敵 猜Fing講國語冇句聽得明
《溏心3》搞笑!Bosco細31年做司棋姐細佬
網民同推做視帝 王浩信馬明你揀邊個
大人細路爭住玩室內賽車場
【日本賞楓新角度】 鳥取坐滑雪吊車睇秋色
3招健胸操
【撐小店】希望在明天
鄭丹瑞寸麥美恩:麥明詩十優,你久休!
【孖你做瑜伽】 中級雙人背部伸展
按此閱讀臉書精彩內容

熱爆e+up


載入中…
x